Ажәабжьқәа

Популярное

Аҧсны Аҳәынҭқарра Ахада Рауль Ҳаџьымба: аибашьра амшқәа раан ҳаибашьцәа гәымшәақәа иаадырҧшыз афырхаҵареи агәаҕьреи ирыбзоураны – ҳара ҳаҧсадгьыл аиқәырхара ҳалшеит

574
14.08.2017 16:30
Аҧсны Аҳәынҭқарра Ахада Рауль Ҳаџьымба: аибашьра амшқәа раан ҳаибашьцәа гәымшәақәа иаадырҧшыз афырхаҵареи агәаҕьреи ирыбзоураны – ҳара ҳаҧсадгьыл аиқәырхара ҳалшеит
Аҳәынҭқарра Ахада Рауль Ҳаџьымба Аҧсны Аџьынџьтәылатәи еибашьра алагара амш 25-шықәса ахыҵра инамаданы аҳәамҭа ҟаиҵеит.

Аҟәа. Нанҳәамза 14. Аҧсныпресс. Аҳәынҭқарра Ахада иҟаиҵаз аҳәамҭа аҿы ахәҭакахьала иазгәаҭоуп:

“Ҳаҭыр зқәы сыуаажәлар! Ҳаҭыр ду зқәу аветеранцәа!

Иахьа, Аҧсны Аџьынџьтәылатәи еибашьра аналагаз амш 25-шықәса ахыҵит. Ари алахьеиқәҵаратә мшы аан хацәнымырха Аҧсны зыхьчоз аибашьцәа ҳаҭырла иаҳгәалашәоит. Аҧсны аҧацәеи аҧҳацәеи, иара убас, урҭ хатәгәаҧхарала ирывагыланы ирыцеибашьуаз аибашьцәеи ргәалашәара наунагӡа ажәлар ргәаҵаҿы иаанхоит.

Нанҳәамза 14 – Аҧсны аҭоурых адаҟьақәа мшы еиқәаҵәаны ианылеит, аха уи, иара убас Аҧсны жәлар реиҧш, Нхыҵ Кавкази Алада Урыстәылеи рҟынтәи  ақырҭуа мпыҵахалыҩцәа рҿагылараҿы хатәгәаҧхарала аҧсуаа ирывагыларц иааз ажәларқәа зегьы ракзаара иамшуп.

Иахьа ҳара Аҧсны Раҧхьатәи Ахада Владислав Арӡынба даҳгәалаҳаршәоит. Уи аамҭа цәгьа иҭагылаз ҳтәылеи ҳауаажәлари рҧеиҧш азы аҭакҧхықәра ихахьы игеит. Уи дзаҧхьагылаз ар Аҧсны жәлар ахақәиҭратә еибашьра аҿы аиааира агеит.  Аҧсны Аџьынџьтәылатәи еибашьреи, уи аветеранцәа иаадырҧшыз афырхаҵареи агәымшәареи наунагӡа ажәлар ргәалашәараҿы иаанхоит, биҧарак аҟынтәи даҽа биҧарак ахь ииаслоит Уи ҳаамҭазтәи ихьыҧшым аҳәынҭқарра шьаҭас иамоуп. Аибашьра амшқәа раан ҳаибашьцәа гәымшәақәа иаадырҧшыз афырхаҵареи агәаҕьреи ирыбзоураны – ҳара ҳаҧсадгьыл аиқәырхара ҳалшеит. Ҳара акыр иуадаҩыз амҩа ҳанысит, убри аан иреиҕьқәаз аҵеицәа ҳацәҭахеит.

Зыҧсадгьыл зхы ақәызҵаз афырхацәа ргәалашәара наунагӡоуп. Ҳаҧсадгьыли ҳауаажәлари аҭынчреи аизҳазыҕьареи роуааит!

Ахыҵхырҭа: Аҧсны Аҳәынҭқарра Ахада иофициалтә саит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа