Ажәабжьқәа

Аҧсны Аҳәынҭқарра Ахада Рауль Ҳаџьымба аиҩызаратә ҳәынҭқаррақәа рхадацәа Аџьынџьтәылатә еибашьра ду аҟны Аиааира Амш рыдиныҳәалеит

33
09.05.2019 10:00
Аҧсны Аҳәынҭқарра Ахада Рауль Ҳаџьымба аиҩызаратә ҳәынҭқаррақәа рхадацәа Аџьынџьтәылатә еибашьра ду аҟны Аиааира Амш рыдиныҳәалеит
“Ҳабацәа рфырхаҵара абиҧарақәа ргәалашәараҟны инхоит ргәымшәареи рыгәаҕьреи зырҵабыргыз акы акәны”, – ҳәа  иазгәеиҭеит  Рауль Ҳаџьымба.

Аҟәа. Лаҵарамза 9. Аҧсныпресс. Аҧсны Аҳәынҭқарра Ахада Рауль Ҳаџьымба Приднестровиатәи Молдавиатәи Ареспублика Ахада Вадим Красносельскии, Аахыҵ-Уаҧстәыла Ахада Анатоли Бибилови Аџьынџьтәылатә еибашьра ду аҟны Аиааира Амш рыдиныҳәалеит.


Приднестровиатәи Молдавиатәи Ареспублика Ахада Вадим Красносельскии ихьӡала адныҳәалара атекст аҟны иҳәоуп:

“Гәык-ҧсыкала ишәыдысныҳәалоит Аџьынџьтәылатә еибашьра ду аҟны Аиааира 74 шықәса ахыҵра амш.

Лаҵарамза 9 миллионҩыла асолдаҭцәеи аҭынч уааҧсыреи ахьалаӡыз аибашьра ахыркәшара атәы зҳәо ныҳәаны адунеитә ҭоурых ианылеит.


Иҟазааит наунагӡа ари аныҳәа агәадуреи, агәырҕьареи, аус бзиақәа рзы агәацҧыҳәареи ирхыҵхырҭаны.

Ҳаҭыр зқәу Вадим Николаи-иҧа, иҧшьоу абри амш аҽны ишәзеиҕьасшьар сҭахуп агәабзиара, анасыҧ, Приднестровиа ажәлар зегьы – аҭынчреи аизҳазыҕьареи”.


Анатоли Бибилов ихьӡала адныҳәалара атекст аҟны, ҷыдала, иҳәоуп:

“Ари амш ҳажәларқәа ргәымшәареи, рхамеигӡареи, рхачҳареи зныҧшыз ныҳәа дуны иҟалеит. Аҧсни Алада Уаҧстәылеи иреиҕьу рҵеицәа анацизм аҿагыларазы ақәҧаразы игылеит. Ҧсра зқәым урҭ рфырхаҵара иабзоураны анацизм иаиааины аҧхьаҟатәи абиҧарақәа аҭынч ҧсҭазаареи ахақәиҭреи рзырчаҧеит.

Ҳаҭыр зқәу Анатоли Илиа-иҧа, акрызҵазкуа абри амш аҽны аветеранцәа зегьы, Алада Уаҧстәыла ажәларгьы нашәыдкыланы ишәзеиҕьасшьар сҭахуп агәабзиара, аҭынчра, анасыҧ”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа