Ажәабжьқәа

Популярное

Аҧсны Аҳәынҭқарра Ахада Рауль Ҳаџьымба Аҧсны амсылманцәа Иаку рдоуҳатә Усбарҭа анапхгара дырҧылеит

587
11.08.2019 16:16
Аҧсны Аҳәынҭқарра Ахада Рауль Ҳаџьымба Аҧсны амсылманцәа Иаку рдоуҳатә Усбарҭа анапхгара дырҧылеит
Аҧсны Аҳәынҭқарра Аҧсны амсылманцәа Кәырбан-баирам ныҳәа рыдиныҳәалеит.

Аҟәа. Нанҳәамза 11. Аҧсныпресс. Аҧсны Аҳәынҭқарра Ахада Рауль Ҳаџьымба Аҧсны амсылманцәа Иаку рдоуҳатә Усбарҭа анапхгара дырҧылеит. Абри атәы аанацҳауеит Аҳәынҭқарра Ахада ипресс-маҵзура.

Аҧсны Аҳәынҭқарра Аҧсны амсылманцәа Кәырбан-баирам ныҳәа рыдиныҳәалеит, агәабзиареи, аҭынчреи, аизҳазыҕьареи аманшәалареи рзеиҕьаишьеит.

“Нцәахаҵарас иныҟәаҳгозаалак, ҳара ҳаидгыланы ҳҳәынҭқарра ҳаргылалароуп. Еиуеиҧшым адинхаҵарақәа рхаҭарнакцәа рыбжьара аилибакаара, аҳаҭыреиқәҵара аныҟамла, атәылаҿы изыҟалом аҭышәынтәалара, аҭынч ҧсҭазаара.

Абри аганахьала аусура иацҵатәуп ҳәа исыҧхьаӡоит. Ҽааныҧшӡала шәнеиааит!» – иҳәеит Аҳәынҭқарра Ахада.
 
Аҧсны амсылманцәа Иаку рдоуҳатә Усбарҭа анапхгаҩы Ҭемыр Ӡыба Ахада иҟаиҵаз адныҳәаларазы иҭабуп ҳәа иеиҳәеит.

“Иҭабуп ҳәа шәасҳәоит шәажәа ҧхақәа рзы. Аҧсны егьырҭ атәылақәа рзы иҿырҧшыганы иҟалар алшоит еиуеиҧшым адинхаҵарақәа рхаҭарнакцәа рыбжьара аҳаҭыреиқәҵара аганахьала, ҳаргьы ҭагылазаашьак аныҟоу есқьынгьы абри атәы раҳҳәоит зегьы. Иазгәаумҭар залшом, аныҳәа аҩбатәи амш Аҧсны официалла ныҳәамшны иахьрылаҳәоу. Ари иаҳәоит атәыла анапхгара иҟанаҵо адгылара атәы, ҳара ҳзы уи аҵак ду амоуп”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа