Ажәабжьқәа

Популярное

Аҧсны Аҳәынҭқарра Ахада Рауль Ҳаџьымба Аҧсны Аџьынџьтәылатәи еибашьра аналагаз инаркны 27 шықәса аҵра инамаданы ажәлар рахь ааҧхьара ҟаиҵеит

847
14.08.2019 12:34
Аҧсны Аҳәынҭқарра Ахада Рауль Ҳаџьымба Аҧсны Аџьынџьтәылатәи еибашьра аналагаз инаркны 27 шықәса аҵра инамаданы ажәлар рахь ааҧхьара ҟаиҵеит
Нанҳәамза 14, 1992 шықәса рзы, Аҧсны Қырҭтәыла аҳәынҭсовет аруаа  алалеит. 413 мшы имҩаҧысуаз, цәыббрамза 30, 1993 шықәсазы  аҧсуа жәлар Риааирала ихыркәшахаз Аҧсны аџьынџьтәылатәи еибашьра алагеит.

Аҟәа. Нанҳәамза 14. Аҧсныпресс. Аҧсны Аҳәынҭқарра Ахада Рауль Ҳаџьымба Аҧсны Аџьынџьтәылатәи еибашьра аналагаз инаркны 27 шықәса аҵра инамаданы ажәлар рахь ааҧхьара ҟаиҵеит. Ааҧхьара атекст аҿы ахәҭакахьала иазгәаҭоуп:

“Ҳаҭыр зқәу ҳауаажәлар! Акыр иаҧсоу аветеранцәа!

Иахьа 27 шықәса ҵуеит Аҧсны Аџьынџьтәылатә еибашьра иалагеижьҭеи. Алахьеиқәра зцу абри амш аҽны ҳара ҳаҭырла иаҳгәалаҳаршәоит ҳ-Аҧсадгьыл ахақәиҭра зхы ақәызҵаз. Аҧсны аҵеицәеи зхатәгәаҧхарала иааны иҳадгылаз ҳашьцәеи ҳаҳәшьцәеи рфырхаҵара атәы ҳажәлар ирхашҭраны иҟаӡам ахааназы.

Иахьатәи амш азы ҳаҭыр дула даҳгәалаҳаршәоит иара убас ҳтәыла ахьчаразы аҭакҧхықәра ду иаҵалаз Аҧсны Аҳәынҭқарра Актәи Ахада, Адҵаҟаҵаҩ Хада Владислав Арӡынба. Иуадаҩуп ахә ашьара Аҧсны Аџьынџьтәылатә еибашьраҟны аиааира згаз Аҧсны жәлар напхгара рызҭоз Владислав Арӡынба ироль.

Аибашьреи, иалаӡыз ҳажәлари, ҳадгьыл аҕа иагрессиа иацәызыхьчаз ҳфырхацәа ргәымшәареи ртәы наунагӡа ҳгәалашәараҿы инхоит, уи ҳҳәынҭқарра аҭышәынтәалареи ашәарҭадареи рзы акрызҵазкуа ҵаҵҕәны иҟазаауеит.

Рыхьӡ кашәара ақәымзааит иҭахаз ҳаибашьцәа – афырхацәа! Иагымзааит Аҧсны аҭынчра, аизҳазыҕьара!”

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа