Ажәабжьқәа

Популярное

Аҧсны Аҳәынҭқарра Ахада Платон Бебиа иира Амш идиныҳәалеит.

82
05.10.2018 16:05
Аҧсны Аҳәынҭқарра Ахада Платон Бебиа иира Амш идиныҳәалеит.

Аҧсны Аҳәынҭқарра Ахада Дырмит Гәлиа ихьӡ зху аҳәынҭқарратә премиа алауреат Платон Бебиа ихьӡала адныҳәаларатә шәҟәы наишьҭит. 

Аҟәа. Жьҭаарамза 5. Аҧсныпресс. Аҧсны Аҳәынҭқарра Ахада Рауль Ҳаџьымба ашәҟәыҩҩы, апоет, апублицист, Дырмит Гәлиа ихьӡ зху аҳәынҭқарратә премиа алауреат Платон Бебиа иира Амш идиныҳәалеит.

Адныҳәаларатә цҳамҭаҟны иҳәоуп:

“Ҳаҭыр зқәу Платон Хәамҧа-иҧа!

Гәык-ҧсыкала ишәыдысныҳәаларц сҭахуп шәира Амш! Иара убас гәахәара дула ишәыдысныҳәалоит Аҧсны Аиааиреи Ахьыҧшымреи 25 шықәса рхыҵра аиубилеитә ныҳәа! Ишәзеиҕьасшьоит агәабзиара ҕәҕәа, агәамч, агәалаҟара бзиа! Хьаас иҳамоуп шәгәамбзиара иахҟьаны, иахьеи-уахеи ауаажәларратә-литературатә ҧсҭазаара шәахьалагылам. 

Шәара Аҧсни, уи анҭыҵи шәеицырдыруеит ҧсабарала збаҩхатәра ҳараку, зжанртә мҽхакы ҭбаау, аҧсуа литература акыр жәашықәса аџьа азызбахьоу поетны, шәҟәыҩҩны, публицистны.

Шәара шәреиуоуп иҳаҩсыз ашәышықәса 50-тәи ашықәсқәа рзы аҧсуа поезиа иаҵагылаз, зхатәы бжьы зманы ицәырҵыз арҿиаратә абиҧара. Шәџьабааи шәҧышәеи маҷымкәа ирыдуп ажурналқәа “Амцабз”, “Алашара”, Аҧснытәи аҳәынҭқарратә шәҟәҭыжьырҭа, шәыҟан уи аредактор хадас, адиректорс. Акыр шықәса ҵуеит Аҧсны, иара убас Урыстәыла Ашәҟәыҩҩцәа Реидгылақәа шәрылахәуижьҭеи. Аҧхьаҩцәа ҟаимаҭла ирдыруеит шәара иеиҭажәгахьоу аурыс классикцәа (иара убас егьырҭ амилаҭтә авторцәа) раҧҵамҭақәа. Рхатә ҭыҧ ааныркылоит ҳлитература аҭоурых аҿы шәыпрозатә рҿиамҭақәа, шәроманқәа, шәповестқәа, шәажәабжьқәа, авторс шәызмоу асахьаркыратә публицистика, ахәыҷтәы поезиа. 

Иреиҕьӡоу шәлирикатә рҿиамҭақәа “Аҩажәатәи ашәышықәсазтәи аҧсуа поезиа антологиа” иагәылоуп. Шәлитературатә лшамҭа дуқәа азгәаҭаны ишәанашьоуп Аҧсны Жәлар рпоет ҳәа аҳаҭыр хьӡи, Дырмит Гәлиа ихьӡ зху Аҳәынҭқарратә премиеи.

Анцәа ишәаҭәеишьааит агәабзиара ҕәҕәа, аҧсуа шықәсынҵыра ду, аманшәалара”.


Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа