Ажәабжьқәа

Популярное

Аҧсны Аҳәынҭқарра Ахада ихаҭыҧуаҩ Витали Габниа Ливантәи аделегациа идикылеит

187
10.05.2017 16:15
Аҧсны Аҳәынҭқарра Ахада ихаҭыҧуаҩ Витали Габниа Ливантәи аделегациа идикылеит
Аиҧылара аҿы Ливан иҟоу ачеркессцәа Рассоциациеи Аҧсны Аҳәынҭқарреи рыбжьара аусеицура абжьаҵара иадҳәалоу азҵаарақәа жәпакы ирылацәажәеит.

Аҟәа. Лаҵарамза 10. Аҧсныпресс. Дамеи Касланӡиа. Аҧсны Аҳәынҭқарра Ахада ихаҭыҧуаҩ Витали Габниа Ливантәи ачеркессцәа рдиаспора ахаҭарнакцәеи аусдкылаҩцәеи рҧылара иалагӡаны аҩганктәи аусеицура абжьаҵара иадҳәалоу азҵаарақәа дрылацәажәеит.

Аделигациа бзиала шәаабеит ҳәа раҳәо, Витали Габниа инаҵшьны иазгәеиҭеит: “Ҳара иаҳзеиҧшу ахыдҵақәеи ахырхарҭақәеи ҳамазар ахәҭоуп. Ҳаизыҟазаашьақәа ҵакыла игәылҭәааны иҟаларц азы абарҭ афакторқәа ихаданы иҟоуп: актәи–уи акультуратә хырхарҭа ала аусеицура абжьаҵара, аҩбатәи–аекономикеи абизнеси ирыдҳәалоу азҵаарақәа рыӡбара”.

Ахәҭакахьала, Ливан иҟоу ачеркессцәа Рассоциациа ахантәаҩы, аменеџьмент азы Ливантәи жәларбжьаратәи ауниверситет адоктор Сариа Абдельраззак ишазгәалҭаз ала, Ассоциациа ахаҭарнакцәа Аҧсны аусеицура азы ахшыҩзышьҭреи агәазыҳәареи рымоуп: “Зегьы раҧхьаӡа иргыланы, Ливан Аҧсны аинтересқәа рзы аофис аартызар бзиан. Уи ҳаизыҟазаашьақәа рыҿиара аҿы раҧхьаӡатәи шьаҿахоит”.

Ливан иҟоу ачеркессцәа Рассоциациа ауаажәларра рымадара азы алахәылаҩ Риад Абдельраззак иазгәеиҭеит: Ҳара раҧхьаӡа акәны Аҧсны ҳаҭаауеит. Аусеицура ҳабжьаҳҵар, Аҧсны хра злоу аҿиара азы иҳалшо зегьы аҟаҵара ҳазхиоуп”.

Аҭаара аҳәаақәа ирҭагӡаны аделегациа Аҧсны Ахәаахәҭра Ааглыхратә Палатеи Ливан иҟоу ачеркесцәа Рассоциациеи рыбжьара аусеицура азы аиқәшаҳаҭра абжьаҵара азҧхьагәаҭаны иамоуп.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа