Ажәабжьқәа

Популярное

Аҧсны Аҳәынҭқарра Ахада иалхрақәа мҩаҧысуеит

49
25.08.2019 08:45
Аҧсны Аҳәынҭқарра Ахада иалхрақәа мҩаҧысуеит
Аҧсны Аҳәынҭқарра иахьаҵанакуа 35 округ русура азҧхьагәаҭоуп.

Аҟәа. Нанҳәамза 25. Аҧсныпресс. Аҧсны Аҳәынҭқарра Ахада иалхрақәа мҩаҧысуеит. Аҧсны Аҳәынҭқарра иахьаҵанакуа 35 округ русура азҧхьагәаҭоуп.  Аокругқәа араионқәа рҿы абас ала еихшоуп: Гагра араион – 9 инаркны 13-тәи аокруг аҟынӡа, Гәдоуҭа араион – 14-тәи инаркны 20 аокруг аҟынӡа, Аҟәа араион – 21 инаркны 23-тәи аокруг аҟынӡа, ақалақь Аҟәа – 1 инаркны 8-тәи аокруг аҟынӡа, Гәылрыҧшь араион – 24 инаркны 26-тәи аокруг аҟынӡа, Очамчыра араион – 27 инаркны 32-тәи аокруг аҟынӡа, Ҭҟәарчал араион – 33 инаркны 34-тәи аокруг аҟынӡа, Гал араион – 35 аокруг. Аокругқәа зегьы аучасткақәа рыла еихшоуп. Аҧсны иахьаҵанакуа иҟоу аучасткақәа рзеиҧш хыҧхьаӡара – 152, 3 участкак – Аҧсны анҭыҵ иҟоуп, урҭ рахьынтә 2 – Урыстәылатәи Афедерациа, ақалақьқәа Москвеи Черкесски.

Алхырҭатә ҭыҧхадақәа зегьы ашьжьымҭан, асааҭ 8:00 рзы иаатит.

Аҳәынҭқарра Ахада имаҵураҭыҧ аанкылара рҽазыршәоит жә-ҩык акандидатцәа:
– Шамиль Омар-иҧа Арӡынба;
– Артур Мирод-иҧа Анқәаб;
– Олег Нури-иҧа Аршба;
– Алмас Севериан-иҧа Џьапуа;
– Леонид Иури-иҧа Ӡаҧшьба;
– Асҭамыр Борис-иҧа Ҭарба;
– Асҭамыр Валери-иҧа Какалыиа;
– Алхас Алықьса-иҧа Кәыҵниа;
– Рауль Џьумка-иҧа Ҳаџьымба.

Абжьыҭиразы адырга Аҧсны атәылауаҩшәҟәы ахәбатәи адаҟьа аҿы иргылахоит. Уи иҷыдоу аштампи уи ықәзыргылаз инапынҵеи ракәхоит.

Аҧсны Аҳәынҭқарра Ахада иалхрақәа рахь анаҧшыҩцәа раҳасабала иааит Урыстәыла, Аахыҵ Уаҧстәыла, Донецктәи Жәлартә Республика, Лугансктәи Жәлартә Республика, Ашьха Ҟарабах, Приднестровие, Белоруссиа, иара убас Германиеи Китаи рҟынтәи 67-ҩык инарзынаҧшуа ахаҭарнакцәа. Алхрақәа шымҩаҧысуа азы адаррақәа рыларҵәара мҩаҧыргалоит 79-ҩык рҟынӡа ажурналистцәа.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа