Ажәабжьқәа

Популярное

Аҧсны Аҳәынҭқарра Ахада иалхрақәа мҩаҧгахоит нанҳәамза 25 рзы

87
28.05.2019 13:04
Аҧсны Аҳәынҭқарра Ахада иалхрақәа мҩаҧгахоит нанҳәамза 25 рзы
Уи азы азакәан апроект рыдыркылеит Аҧсны Жәлар Реизара – Апарламент аҿы.

Аҟәа. Лаҵарамза 28. Аҧсныпресс. Мадина Чагәааҧҳа. Аҧсны Жәлар Реизара – Апарламент аилатәара аҿы адепутатцәа Аҳәынҭқарра Ахада иалхрақәа арыцхә ашьақәыргылара иазку азакәанҧҵара иадҳәалоу аусшәҟәқәа ирыхәаҧшит.

Убас, “Аконституциатə закəан “Аҧсны Аҳəынҭқарра Ахада иалхразы” Аҧсны Аконституциатə закəан аҧсахра алагаларазы” Ақәҵара апроект иахәаҧшит. Уи адкыларазы 29-ҩык адепутатцәа рҟынтәи 25-ҩык  рыбжьы рҭиит, 4-ҩык мап ацәыркит.

Иара убас, Жәар Реизара – Апарламент аҿы Аҳәынҭқарра Ахада ихаҭарнак Дмитри Шамба “Аҧсны Аҳәынҭқарра Ахада иалхрақәа рымҩаҧгара арыцхә ашьақәыргыларазы” Жәлар Реизара-Апарламент Ақәҵара апроект адгалара мҩаҧигеит. Иарбоу аусшәҟәы инақәыршәаны, Аҧсны Аҳәынҭқарра Ахада иалхрақәа рымҩаҧгара ҧхынгәымза 21 аҟынтәи нанҳәамза 25 рахь аиагаразы адгалара ҟаҵоуп.

Дмитри Шамба иҟаиҵааз алкаа инақәыршәаны: “Аконституциатә закәан апроект Аҳәынҭқарра Ахада Апарламент ахәаҧшразы ирыдигало Аконституциатә закәан апроект Аҳәынҭқарра Ахада иалхрақәа рымҩаҧгара аҽҳәара ашьақәыргылара азҧхьагәанаҭоит. Аконституциатә закәан уажәы иҟоу аредакциа ала, Аҳәынҭқарра Ахада иалхрақәа Аҳәынҭқарра Ахада изинмчы ахыркәшара ҩымз шыбжьоу имҩаҧгазароуп. Аконституциа азакәан иҿыцу аредакциа аҿы иарбоуп: “ахәҭаҷ 6 ахəҭа 1 аҟны ажəақəа “ҧшьымз ирхымгакəа” аныхзааит, ажəақəа “ҩымз ирхымгакəа” ҧсахзааит ажəақəа “мызкы иахымгакəа” рыла, анаҩс атекст ишаҳəо еиҧш”. Аҳәынҭқарра Ахада изинмчы нҵәоит цәыббрамза 25, 2019 шықәса рзы. Убас ала, алрақәа рымҩаҧгара арыцхә аҳасабала ишьақәыргылахоит нанҳәамза 25, 1019 шықәса”.

“Аконституциатə закəан “Аҧсны Аҳəынҭқарра Ахада иалхразы” Аҧсны Аконституциатə закəан аҧсахра алагаларазы” Ақәҵара апроект адкыларазы 29-ҩык адепутатцәа рҟынтәи 25-ҩык  рыбжьы рҭиит, 4-ҩык мап ацәыркит.

Аҧсны Аҳәынҭқарра Ахада иалхрақәа мҩаҧгахоит нанҳәамза 25, 2019 шықәса рзы.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа