Ажәабжьқәа

Популярное

Аҧсны Аҳәынҭқарра Ахада Ареспублика Арцах аделегациа идикылеит

547
09.10.2019 19:14
Аҧсны Аҳәынҭқарра Ахада Ареспублика Арцах аделегациа идикылеит
Ареспублика Арцах аделегациа Аҧсны Ахада имаҵура адкылара иадҳәалоу аныҳәатә церемониа алахәхаразы Аҧсныҟа иааит.

Аҟәа. Жьҭаарамза 9. Аҧсныпресс. Аҧсны Аҳәынҭқарра Ахада Рауль Ҳаџьымба Аҧсны Ахада имаҵура адкылара иадҳәалоу аныҳәатә церемониа алахәхаразы Аҧсныҟа иааз Ареспублика Арцах аделегациа идикылеит.

“Аҧсны шәбара гәахәас иҟаҳҵоит, Арцах анапхгареи ажәлари иҭабуп раҳҳәоит гәыла-ҧсыла иахьаҳзыҟоу. Ҳарҭ аизыҟазаашьа бзиақәа ҳабжьоуп. Хымҧада, ҳаизыҟазаашьақәа ҿиалароуп, хыҧхьаӡара рацәала шәашьцәа Аҧсны инхоит, атәыла аҿиара аус аҟны рлагала маҷӡам”, – ҳәа иҳәеит Аҳәынҭқарра Ахада.

Арцах Ареспублика аделегациа анапхгаҩы Акультура аминистр Лерник Ованиссиан даҽазныкгьы Аҳәынҭқарра Ахада идиныҳәалеит официалла имаҵурахьы инеира.

“Аҧсуа-ерман еизыҟазаашьақәа рдацқәа ҵаулоуп, ҳара урҭ рырҿиара ҳазхиоуп. Арцах Ареспублика Аҧсны Аҳәынҭқарра еснагь ҩызаҵас иаҧхьаӡон, ажәала акәымкәа, аус аҟынгьы. Ҳарҭ еиҧшу алахьынҵа змоу жәларқәоуп, ҳаидызкыло рацәоуп. Иаҳтахуп акультуратә еимадарақәа ҳарҿиаларц, уи ауасхыр бзиа азышьҭаҵоуп”, – ҳәа иҳәеит иара.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа