Ажәабжьқәа

Аԥсны Аҳәынҭқарра ахада Александр Анқәаб Аԥсны жәлар Рџьынџьтәылатә еибашьраҿы Аиааира 20 шықәса ахыҵра иазкыз агәырӷьаратә еилатәараҿы иқәгылара.

347
29.09.2013 19:02

Ҳаҭыр зқәу ҳгәырӷьаратә еилатәара иалахәу, ҳасасцәа дахьқәа!

Аԥсны аиҳабыра рыхьӡала гәак-ԥсык ала ҳасасцәа ишәыдысныҳәалоит Ҳџьынџьтәылатә еибашьраҿы Ҳиааира 20 шықәса ахыҵра, жәлар зегьы рныҳәа! Даара сеигәырӷьоит аамҭа иԥнашәахьоу ҳҩызцәа зегьы абри азал аҿы иахьызбо!

21 шықәса раԥхьа, 1992 шықәса нанҳәамза 14 рзы, ҳҳәынҭқарреи ҳажәлари аԥышәара ӷәӷәа еиҭаҭагылеит.

Ашәышықәсақәа реиҩшамҭаз, асоветтә республикақәа рлахьынҵа анырыӡбоз аамҭазы Аԥсны ауадаҩрақәа ирылахеит.

Ташкенттәи аиқәшаҳаҭра ала, Асовет ар рабџьар абжеиҳараӡак Қырҭтәылатәи ССР иазаанхеит. Уаҟа иҟан 220 танк, 210 акәылӡтәы техника, еиуеиԥшым арҭҟәацгақәа, ахысгақәа, аҳаирпланқәа.

Убри зегьы қырҭтәылатәи ар рнапхгарахьы ииасит.

Аԥсны ахадара усҟантәи аамҭазы даара рҽазыршәеит еиҿцәажәарыла, адипломатиа амҩақәа рыла аконфликт аӡбара, аха ақырҭуа аиҳабыра рхадара иӡбаны ишьҭырххьан «аԥсуа зҵаара» ишазнеитәыз.

Ҳара ҳажәлар даара ирықәҿиеит Аԥсны зегьы реиҳа ианшәарҭаз аамҭаз Владислав Арӡынба напхгара ахьеиҭоз. Уи ижәлар раԥхьа днагылан, абриаҟара бџьари, аполитикатә дгылареи змаз ҳаӷа ииааира рылиршеит ҳар.

Аӷа иҿагылараҿы ҳажәлар ирылшоз хымԥада наҟ-наҟгьы иҵегь инарҭбаан ҳҭоурых ианыԥшуеит. Хашҭшьа амам, ҳара арыцҳара ҳанааҭагыла, ишҳавагылаз ҳашьцәа Нхыҵ Кавказаа, Ҟәбантәи Донтәи аказакцәа, Урыстәыла зегьы аҟынтәи хатәгәаԥхарала еибашьуаз, Приднестровиаа, хыԥхьаӡара рацәала аҳәаанырцәтәи ҳтәылауаа.

Дара раҳракыра Анхаҩы иҷкәыни  Анхаҩы иԥҳаи  еиқәдырхеит ҳара Ҳаԥсадгьыл. Ихәызи ишьызи иаразнак ирыԥсахуан урҭ рашьцәеи раҳҳәшьцәеи.

Иахьа ҳиааира 20 шықәса ахыҵра аныҳәа ду азы ҳара иаҳгәалаҳаршәоит ҳажәлар зҭагылаз ахамышҭыхә бааԥс, аха рхы ламырҟәӡакәа уи ишалҵыз.

Иахьа даҽазныкгьы ҳажәлар рыхьӡала иҭабуп ҳәа расҳәар сҭахуп Урыстәылатәи Афедерациа ашәарҭара аҭагылазаара аан Аҳәынҭқарратә комитет ахадара Сергеи Шоигуи Сергеи Кудианови рнапхгарала имҩаԥгаз агәыҳалалратә цхыраара.

Усҟан ақырҭуа ир амацәаз иҭаркыз Тҟәарчалынтәи иалган ирацәаҩӡаны ахәыҷқәа, аҳәса, абыргцәа, ақалақь аҿы иаанхаз ирызнаргеит афатә.

Даара ҳаҭыр дула исгәаласыршәар сҭаухп усҟан аполитикатә ҭагылазаашьақәа ирыхәамыԥшыкәа еиуеиԥшым Урыстәылатәи Афедерациа арегионқәа ирхагылаз ахадацәа, ҳара ҳҩызцәа, аԥсуа жәлар ррыцҳара хатә хьаак еиԥш издызкылаз.

Урҭ иҟарҵаз ацхыраара ӷәӷәа абзоурала, еиаҳраӡакгьы – Татарсҭан, Башкортастан, Ростовтәи атәылаҿацә, Москва, Аԥсны иацәыхараз Урыыстәылатәи ақалақьқәа, ҳара ҳгәыла ааигәа – Краснодартәи атәылаҿацә,- ҳара ҳаиқәхеит, Аиааира аагеит.

Аибашьра ашьҭахьтәи ашықәсқәа раангьы даара аҭагылазаашьа уадаҩын, еиҳарак аекономикатә зҵаара, ҳаҟәыҭхан аполитикатә ԥсҭазаара. Ҳара ҳиааира ҳахырҟьаны ҳшахьдырхәуазгьы, ацхыраара ду ҳзыҟарҵон ҳҩызцәа.

Ҳаҭыр зқәу ҳгәырӷьаратә еизара иалахәу!

Ҳар даара аҳаҭыр ду  ҳзақәуп, иахьа, ҩеижәашықәса рышьҭахь, Аԥсны жәлар  Риааира рҩызцза иашақәа рыгәҭакы иахьазгәарҭо! Уи акырӡа аҵанакуеит ҳара ҳзы.

Арҭ ашықәсқәа ирылагӡаны Аԥсны даара акралшеит.

Ҳаԥсадгьыл аӷа далаҳцеижьҭеи 15 шықәса анҵы, 2008 шықәса нанҳәамзазы, Аԥсны Ахьыԥшымра азханаҵеит аҳәынҭқарра дуӡӡа – Урыстәылатәи Афедерациа, уи ажәлари ҳареи акыр шықәса ҵуеит ҭоурыхла, доуҳала, культурала ҳаилаҵәаны ҳаидҳәалоижьҭеи. Убри азы ауп, ҵакыла Аиааира ду аҟара заанаго ҳара ҳзы жәларбжьаратәи азхаҵарагьы.

Ҳара агәра аагоит, ҳара Ҳиааира ишьақәырӷәӷәаз Урыстәылатәи Афедерациа ирыдыркылаз аполитикатә зхаҵара.

Аԥсныи Урыстәылеи имҩаԥыргеит аҳәынҭқаррабжьаратә напаҵаҩрақәа, урҭ ишьақәдырӷәӷәоит ҳара ҳаиҩызара, аполитикалеи економикалеи ҳусеицура. Убасҵәҟьа аизҳара иаҿуп Урыстәыла инаҿаԥшны Аԥсны азхазҵаз егьырҭ Аҳәынҭқаррақәеи иареи реиҩызареи, реимадареи.

Ҳара иҳаду аҭакԥхықәра ҳазхәыцны аргылара ҳаҿуп зегьрыла иҿрыԥшыгоу, закәанла еиқәыршәоу, идемократиатәу аҳәынҭқарра, уи иқәынхо ажәлар зегьы ирзеиԥшны.

Иҭабуп ҳәа шәаҳҳәоит шәара есымшагьы иҟашәҵо ахцхыраара азы, ҳара ҳауадаҩрақәа ахьеилышәкаауа азы, ҳажәлар рлахьынҵа ахьрыцеиҩышәшо азы.

Иахьа ҳара иазгәаҳҭоит шәареи ҳареи еицаҳзеиԥшу аныҳәа.

Зегьы иҳадныҳәалазааит аныҳәа, иҳамазааит аиааира аҭынч ԥсҭазаараҿы!

Иҭапуб!

Нагӡара ақәзааит Аиааира, нагӡара амазааит ахақзиҭра! Хашҭра иқәымзааит Владислав!

 

 

 

 

 

 

 


Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа