Ажәабжьқәа

Популярное

Аҧсны Аҳәынҭқарра Ахада: Аконституциа Аҧснытәи азакәанҧҵара ашьақәгылара злашьаҭарку, иҕәҕәоу ашьаҭа шьақәнарҕәҕәеит

555
26.11.2016 13:15
Аҧсны Аҳәынҭқарра Ахада: Аконституциа Аҧснытәи азакәанҧҵара ашьақәгылара злашьаҭарку, иҕәҕәоу ашьаҭа шьақәнарҕәҕәеит
Аҳәынҭқарра Ахада Рауль Ҳаџьымба Аҧсны ажәлар Аконституциа Амш рыдиныҳәалеит.

Аҟәа. Абҵарамза 26. Аҧсныпресс. Адныҳәаларатә шәҟәы аҿы иаҳәоит:

“Ҳаҭыр ду зқәу Аҧсны ажәлар!

Гәык-ҧсыкала ишәыдысныҳәалоит Аконституциа Амшныҳәа.

Абҵарамза 26, 1994 шықәсазы Аконституциа адкылара аламҭалазы аҭыҧ змаз аҭоурыхтә хҭысқәа, аҧсуа жәлар аҳәынҭқарратә хьыҧшымреи амилаҭтә хақәиҭратә қәҧареи ирыдҳәалоуп.

Аҧснытәи аҳәынҭқарра адемократиатәи азинтәи шьақәгылашьеи, асуверенитети шьақәзырҕәҕәо азакәан Хада Аҧсны иналукааша амилаҭтә ҧыза Владислав Григори-иҧа Арӡынба наҧхгара зиҭоз Раҧхьаӡатәи Апарламент аҿы ирыдыркылеит. Жьҭаарамза 3, 1999 шықәсазы имҩаҧгаз ареферендум аҿы аҧсуа жәлар Аконституциа иарҭаз адгылара наунагӡа аҭоурых ианхалеит.

Аконституциа, Аҧснытәи азакәанҧҵара ашьақәгылара злашьаҭарку иҕәҕәоу ашьаҭа шьақәнарҕәҕәеит. Ари зегь реиҳа ихадоу Азакәан ала ауаҩы изини ихақәиҭреи шьақәзырҕәҕәо, уи апрогрессивтә ҿиара ахь амҩа изаазыртуа, хра злоу хырхарҭаны иҟалеит.

Иахьа ҳара аконституциатә нормақәа аҧсҭазаараҿы ахархәара амазарц, урҭ рынагӡареи рыхьчареи алыршахартә аҟаҵара ҳҽазаҳшәалароуп. Избан акәзар, Аконституциа – уи азинтә ҧҟарақәа мацара реизга акәӡам, уи, Аҧсны Аҳәынҭқарра шьаҿа-шьаҿалатәи аҿиара астратегиа, ауаажәларра рыҩныҵҟа аиқәшаҳаҭреи аҭышәынтәалареи рышьаҭа акәны иҟоуп".

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа