Ажәабжьқәа

Популярное

Аҧсны Аҳәынҭқарра Ахада ахатәы зҵаарақәа рыла атәылауаа рыдкылара мҩаҧигеит

3031
26.05.2020 14:16
Аҧсны Аҳәынҭқарра Ахада ахатәы зҵаарақәа рыла атәылауаа рыдкылара мҩаҧигеит
Аҳәынҭқарра Ахада иахь адҵааларақәа рыхәҭаак асоциалтә проблемақәа рыӡбара, аспециалист ҿарацәа усура ҭыҧла реиқәыршәара, уҳәа егьырҭ азҵаарақәа ирызкын.

Аҟәа. Лаҵарамза 26. Аҧсныпресс. Аҧсны Аҳәынҭқарра Ахада Аслан Бжьаниа ахатәы зҵаарақәа рыла атәылауаа рыдкылара мҩаҧигеит. Абри атәы аанацҳауеит Аҳәынҭқарра Ахада иофициалтә саит.

Аацҳамҭа излаанацҳауа ала, Аҳәынҭқарра Ахада иахь адҵааларақәа рыхәҭаак асоциалтә проблемақәа рыӡбара, аспециалист ҿарацәа усура ҭыҧла реиқәыршәара, уҳәа егьырҭ азҵаарақәа жәпакы ирызкын.

Иара убас ауаажәларратә ҵакы змоу апроблемақәа рганахьалагьы ажәалагалақәа ҟаҵан. Ахәҭакахьала, урҭ агәабзиарахьчареи асоциалтә усхки ирыҵанакуа аобиектқәа реиҭашьақәыргылара аҿы ацхыраара аҭара иазкын.
 
Аҳәынҭқарра Ахада идҵаалаз зегьы рыпроблемақәа рыӡбараҿы ацхыраара рыҭара дшазхиоу азгәеиҭеит.

Ари Аслан Бжьаниа Аҳәынҭқарра Ахада имаҵураҭыҧ данахагыла ашьҭахь ауааҧсыра рыдкылара иадҳәалоу раҧхьатәи аусмҩаҧгатә ауп.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа