Ажәабжьқәа

Аҧсны Аҳәынҭқарра Ахада агазеҭ “Аҧсны” аредактор хада дидикылеит

165
27.02.2019 13:47
Аҧсны Аҳәынҭқарра Ахада агазеҭ “Аҧсны” аредактор хада дидикылеит
Жәабранмза 27, 1919 шықәса рзы агазеҭ “Аҧсны” раҧхьаӡатәи аномер ҭыҵит.

Аҟәа. Жәабранмза 27. Аҧсныпресс. Дамеи Касланӡиа. Аҧсны Аҳәынҭқарра Ахада Рауль Ҳаџьымба агазеҭ “Аҧсны” аредактор хада Енвер Ажьиба дидикылеит. 

Убри аан, Рауль Ҳаџьымба Енвер Ажьиба агазеҭ “Аҧсны” раҧхьаӡатәи аномер аҭыҵра Амш 100-шықәса ахыҵра идиныҳәалеит. 

“Агазеҭ «Аҧсны» 100 шықәса ахыҵра – ҳҳәынҭқарразы акрызҵазкуа рыцхәуп. Ҳарккаҩ ду Дырмит Гәлиа ибзоурала иҭыҵуа иалагаз раҧхьаӡатәи аҧсуа газеҭ адаҟьақəа рҿы еиҭаҳəан акультуратә, аекономикатә, аполитикатə хҭысқəа. Агазеҭ “Аҧсны” ибзианы ианыҧшуан ҳмилаҭ-хақəиҭратə қəҧараан иҵарны иқәгылаз азҵаарақəа”, – ҳəа азгəеиҭеит Аҳәынҭқарра Ахада.

Ахәҭакахьала, Енвер Ажьиба Аҳәынҭқарра Ахада аамҭа ҧшааны идкылара ахьалиршаз азы иҭабуп ҳəа иеиҳəеит.



“Иахьа ииашаҵәҟьаны акьыҧхь аусзуҩцәа ҳаиҧш, амассатә информациа ахархәагақәа зегьы русзуҩцәа иҳамшныҳәа дууп. Иара убас ҳажәлар зегьы ирныҳәа дууп. Ҳаҧхьа ишьҭоу аус дуқәа ҳдыруеит. Шәхаҵгылара ҳныҧшуеит”, – ҳәа иҳəеит агазеҭ “Аҧсны” аредактор хада Енвер Ажьиба.

Аҳәынҭқарра Ахада агазеҭ “Аҧсны” арҿиаратə еилазаара арҿиаратə еихьӡара ҿыцқəа рзеиҕьеишьеит. Агазеҭ “Аҧсны” иара убас акомпиутертә техника аахәаразы афинанстә цхыраара аҭоуп.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа