Ажәабжьқәа

Популярное

Аҧсны Аҳәынҭқарра Ахада аҧснытәи арҵаҩцәа рзанааҭтә ныҳәа рыдиныҳәалеит.

125
05.10.2018 15:21
Аҧсны Аҳәынҭқарра Ахада аҧснытәи арҵаҩцәа рзанааҭтә ныҳәа рыдиныҳәалеит.
“Шәара шәџьабаа, шәдырра, шәҧышәа ирыбзоураны, иаҳа-иаҳа иазҳауеит ҳҳәынҭқарра аинтеллектуалтә-доуҳатә мчхара”, -ҳәа иазгәеиҭеит Рауль Ҳаџьымба. 

Аҟәа. Жьҭаарамза 5. Аҧсныпресс. Аҳәынҭқарра Ахада Рауль Ҳаџьымба аҧснытәи арҵаҩцәа рзанааҭтә ныҳәа рыдиныҳәалеит. 
Адныҳәаларатә цҳамҭаҟны иҳәоуп:

“Акыр иаҧсоу ҳарҵаҩцәа, ҳааӡаҩцәа!

Гәык-ҧсыкала ишәыдысныҳәалоит зеиҕьаҭам шәзанааҭтә ныҳәамш – Арҵаҩы имш!

Шәара шәџьабаа, шәдырра, шәҧышәа ирыбзоураны, иаҳа-иаҳа иазҳауеит ҳҳәынҭқарра аинтеллектуалтә-доуҳатә мчхара. Ашколтә шықәсқәа раан ишьақәгылоит аҿар ҧхьаҟатәи рҧеиҧш, урҭ қәҿиаралатәи русура ашьаҭақәа. Шьарда рыҵаркуеит ҳажәлари ҳреспубликеи рыҿиарамҩаҿы шәара шәусура алҵшәақәа. Шәҟәыҕареи шәыцхыраареи рхы иархәаны, абиҧара ҿыц рхы агәра ргартә, аҧсҭазаараҿы ҕәҕәала ршьапы иқәгылартә алшара рзаатуеит.

Аҧсны анапхгара ирылшо зегьы ҟарҵалоит ҳашколқәа, егьырҭ ҳҵараиурҭақәа зегь реиҭашьақәыргыларазы, иааидкыланы аҵаратә система аиҕьтәразы, арҵаҩцәа рсоциалтә зинқәа рыхьчаразы.

Ҳара ҳазықәҧалоит шәара шәыпрофессионалтә лшарақәа рцәыргара, шәџьатә ҳаҭыр иҵегь ашьҭыхра!
Ишәзеиҕьасшьоит агәамч ҕәҕәа, аманшәалара, аихьӡара ҿыцқәа шәнапы злаку аҭакҧхықәратә ус аҿы”.


Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа