Ажәабжьқәа

Популярное

Аҧсны Аҳәынҭқарра Ахада “Аҧсны Аҳәынҭқарра зҽаҧсазтәыз арҵаҩы” ҳәа аҳаҭыртә хьӡы анашьара азы Аусҧҟа ҭижьит.

91
05.10.2018 16:01
Аҧсны Аҳәынҭқарра Ахада “Аҧсны Аҳәынҭқарра зҽаҧсазтәыз арҵаҩы” ҳәа аҳаҭыртә хьӡы анашьара азы Аусҧҟа ҭижьит.
Аҳаҭыртә хьӡқәа ранашьоуп Аҳәынҭқарра Ахада иҭижьыз Аусҧҟа инақәыршәаны. 

Аҟәа. Жьҭаарамза 5. Аҧсныпресс. Аҧсны Аҳәынҭқарра Ахада Рауль Ҳаџьымба  “Аҧсны Аҳәынҭқарра зҽаҧсазтәыз арҵаҩы” ҳәа аҳаҭыртә хьӡы анашьара азы Аусҧҟа ҭижьит. 

Аусҧҟа атекст аҿы, ахәҭакахьала иазгәаҭоуп:

“Арҵаҩратә усураҟны, иеиҵагыло аҿар аҵара дырҵареи рааӡареи рзы “Аҧсны Аҳәынҭқарра зҽаҧсазтәыз арҵаҩы” ҳәа аҳаҭыртә хьӡы рыхҵазааит:

Аҩыӡба Светлана Мураҭ-иҧҳа – аҧсуа бызшәеи алитературеи ҧасатәи рырҵаҩы, Гәдоуҭа араион, М.М. Ҭраҧшь ихьӡ зху, Ҟәланырхәатәи абжьаратәи ашкол арҵаратә хәҭа адиректор ихаҭыҧуаҩ;

Аҩыӡба Валери Расим-иҧа – аҧсуа бызшәеи алитературеи рырҵаҩы, Гәдоуҭа араион, Т.Ш. Аџьба ихьӡ зху, Аҷандаратәи абжьаратәи ашкол адиректор;

Адлеиба Заира Радион-иҧҳа – Очамчыра араион ,А.Е. Лашәриа ихьӡ зху Кындыҕтәи абжьаратәи ашкол аурыс бызшәеи алитературеи рырҵаҩы;

Амыҷба Наполеон Сандра-иҧа – абиологиа ҧасатәи арҵаҩы, Очамчыра араион, К. Агәмаа ихьӡ зху Ҕәадатәи абжьаратәи ашкол адиректор;

Амыҷба Светлана Илиа-иҧҳа – Очамчыра араион, И.А.Коҕониа ихьӡ зху Кәтолтәи абжьаратәи ашкол аҧсуа бызшәеи алитературеи ҧасатәи рырҵаҩы;

Аршба Манана Владимир-иҧҳа – Ҭҟәарчалтәи аҵара араионтә ҟәша аиҳабы;

Аҳәба Зеркан Хаки-иҧҳа – Аҟәа араион Шыцкуаратәи абжьаратәи ашкол алагарҭатә классқәа рырҵаҩы;

Џьульетта Егиш-иҧҳа – Аҟәа араион Иашҭхәатәи абжьаратәи ашкол № 1 ареман бызшәеи алитературеи рырҵаҩы;

Басариа Кама Ушьангь-иҧҳа – Аҟәа ақ. Н.А.Лакоба ихьӡ зху абжьаратәи Ашьхарыуаа рышкол № 10 абиологиа арҵаҩы;

Габниа Назырбеи Смаил-иҧа – аҭоурых арҵаҩы, Гәдоуҭа араион К.Х. Агрба ихьӡ зху Гәдоуҭа араион Џьырхәатәи абжьаратәи ашкол адиректор;

Гогәуа  Евдокиа Николаи-иҧҳа – Очамчыра араион И.А.Коҕониа ихьӡ зху Кәтолтәи абжьаратәи ашкол аурыс бызшәеи алитературеи ҧасатәи рырҵаҩы; 

Калаиџьан Анаид Арташес-иҧҳа – афизика арҵаҩы, Аҟәа араион Гәмысҭатәи абжьаратәи ашкол адиректор; 

Кокосқьериа Бела Рика-иҧҳа – Гагра ақ. ахәыҷбаҳча “Мрамза” № 1 аиҳабы; 

Мрваниан  Азниф Амбарцум-иҧҳа – Гәылрыҧшь араион аҵара аҟәшаҧасатәи аиҳабы; 

Ҧачлиа Светлана Владимир-иҧҳа – Очамчыра ақ. Ф.Х.Ешба ихьӡ зху ашкол № 2 аҭоурых, агеографиа арҵаҩы; 

Ҭарба  Римма Кирилл-иҧҳа – Гәдоуҭа араион Бамборатәи абжьаратәи ашкол аматематика арҵаҩы;

Ҳашыг Минора Шаиб-иҧҳа – Гәдоуҭа араион В.П. Анқәаб ихьӡ зху Хәаҧтәи абжьаратәи ашкол адиректор”.


Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа