Ажәабжьқәа

Популярное

Аҧсны аҧсеиқәырхаратә хылаҧшра анапхгаҩы Урыстәыла иҷыдоу аҭагылахаашьақәа Рминистрра иатәу аҵараиурҭакәа рҿы аҵара зҵо аҧснытәи астудентцәа дырҧылеит

109
07.06.2019 13:41
Аҧсны аҧсеиқәырхаратә хылаҧшра анапхгаҩы Урыстәыла иҷыдоу аҭагылахаашьақәа Рминистрра иатәу аҵараиурҭакәа рҿы аҵара зҵо аҧснытәи астудентцәа дырҧылеит
Рашәарамза 7, 2019 шықәса рзы, Аҧсны иҷыдоу аҭагылазаашьақәа рминистр Лев Кәыҵниа Москваҟа иусуратә ҭаара аҳәаақәа ирҭагӡаны, Урыстәыла иҷыдоу аҭагылазаашьақәа Рминистрра иатәу аҵараиурҭакәа рҿы аҵара зҵо аҧснытәи астудентцәа дырҧылеит.

Аҟәа. Рашәарамза 7. Аҧсныпресс. Аҧсны иҷыдоу аҭагылазаашьақәа рминистр Лев Кәыҵниа Урыстәыла иҷыдоу аҭагылазаашьақәа Рминистрра иатәу аҵараиурҭакәа рҿы аҵара зҵо аҧснытәи астудентцәа дырҧылеит. Астудентцәа дырҧыло Лев Кәыҵниа урҭ рҵаратә процесс шымҩаҧысуа атәы дазҵааит. Аҧсны аҧсеиқәырхаратә хылаҧшра анапхгаҩы, иҳараку азанааҭтә зыҟаҵара аҩаӡара – Аминистрра аҿы акадрқәа реихшара аҿы ихадоу критерианы иҟоуп ҳәа иазгәеиҭеит. “Астудентцәа рзы ихымҧадатәиу акызаҵәык ауп – қәҿиарала аҵараиурҭа аҿы рҵара ахыркәшара. Мап анакәымха, аҵараиурҭа апрофессор-рҵаҩратә еилазаара аҟынтәи еиҧш, Аҧсны иҷыдоу аҭагылазаашьақәа Рминистрра анапхгара аганахьалагьы изеиҧшразаалак хырҩа азура алыршахом”, – ҳәа инаҵшьны иазгәеиҭеит Лев Кәыҵниа.


(АП): Аҧснытәи астудентцәа Урыстәыла иҷыдоу аҭагылазаашьақәа Рминистрра иатәу аҵараиурҭақәа рҿы рҵара, 2010 шықәса рзы знапаҵыҩра мҩаҧгаз Анапхгарабжьаратәи аиқәшаҳаҭра ала иазҧхьагәаҭоуп. 2011 шықәса инаркны 35-ҩык Аҧсны атәылауаа Урыстәыла иҷыдоу аҭагылазаашьақәа Рминистрра иатәу аҵараиурҭақәа иаушьҭымҭахеит. Иахьа урҭ Аҧсны араионтә ҟәшеиҵақәа рҿы еиҧш, иҷыдоу аҭагылазаашьақәа Рминистрра ихадоу аусбарҭақәа рыҿгьы амаҵзура иахысуеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа