Ажәабжьқәа

Популярное

Аҧсны аҩныҵҟатәи аусқәа Рминистрра ахараҧсақәа – еиҩшахоит!

426
29.12.2017 12:59
Аҧсны аҩныҵҟатәи аусқәа Рминистрра ахараҧсақәа – еиҩшахоит!
Уи азы Ақәҵара аминистрцәа Реилазаара Ақәҵара аднакылеит.

Аҟәа. Ҧхынҷкәынмза 29. Аҧсныпресс. Елена Полуиан/Лана Ҵәыџьҧҳа. Аминистрцәа Реилазаара аилатәара аҿы “Ҽҳәараанӡа зшәара алыршахаз административтә хараҧсақәа реиҵатәра азы” Ақәҵара рыдыркылеит.

Ақәҵара апроект адгалара мҩаҧигеит атәыла аҩныҵҟатәи аусқәа рминистр Гарри Аршба. Уи иажәақәа рыла, административтә хараҧсақәа реиҵатәра алыршахоит урҭ ҽҳәараанӡа 5 усуратә мшы иахымгакәа ршәара мҩаҧгахар. “Иарбоу Ақәҵара апроект ҽҳәараанӡа зшәара мҩаҧгахо ахараҧсақәа 50% рыла реиҵатәра азҧхьагәанаҭоит, убри аан амашьынаныҟәцаҩ иквитанциа иарбоу ашәатәы аицҵалыҵ аҟынтәи абжа  ашәара  азы азин иоуеит.  Атәыла ауааҧсыра рҕьырак рынхарҭатә ҭагылазаашьа ахьыуадаҩу, насгьы усурада иҟоу рхыҧхьаӡара ахьырацәоуи инарымаданы, апроект аҧҟара еилазгаз изы ахараҧса алагалара еиҳа иармариоит”, – ҳәа иҳәеит Гарри Аршба.

Убри аан, аминистр астатистика ааигеит: “Ҳазҭоу ашықәс ажьырныҳәамза инаркны иахьа уажәраанӡа иҭагӡоу аамҭахәҭа аагозар, аҭыҧ змаз административтә ҧҟарақәа реилагарақәа азеиҧш хыҧхьаӡара аҟынтәи, ахараҧсақәа ршәара 34% рҟынӡа инаӡоит".

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа