Ажәабжьқәа

Популярное

Аҧсны аҵарадырреи аҭҵаареи Рминистрра аинформациатә-методикатә семинарқәа мҩаҧнагоит

720
23.09.2016 14:40
Аҧсны аҵарадырреи аҭҵаареи Рминистрра аинформациатә-методикатә семинарқәа мҩаҧнагоит
Аҧсны аҵарадырреи аҭҵаареи Рминистрра араионтә методисттә еилазаарақәа рнаҧхгаҩцәа рзы аинформациатә-методикатә семинарқәа мҩаҧнагоит.

Аҟәа. Цәыббрамза 23. Аҧсныпресс. Лана Ҵәыџьҧҳа. Аҧсны аҵарадырреи аҭҵаареи рминистр ихаҭыҧуаҩ Медеиа Ченгелиа иҟалҵаз адыррақәа рыла, аинформациатә-методикатә семинарқәа аҵаратә процесс аҩаӡара аизырҳара азы еиҿкаауп.

“Ҳара шықәсқәак инеиҧынкыланы аҵаратә план ала асеминарқәа мҩаҧаагоит. Иарбоу асеминарқәа аҵарадырреи аҭҵаареи Рминистрреи апедагогика Аинститути Аҳәынҭқарратә университети рҿы аус зуа аспециалистцәа имҩапҧыргоит”, - ҳәа иазгәалҭеит аҵарадырра аминистр ихаҭыҧуаҩ Медеиа Ченгелиа.

Аҵарадырра аминистр ихаҭыҧуаҩ лгәаанагарала, ари аусмҩаҧгатә аҵарадырра-ааӡаратә процесс аиҿкаараҿы хра злоу алҵшәа аанарҧшыр алшоит. “Аметодисттә еилахәырақәа рнаҧхгаҩцәа араионқәа рахь ианыгьежьлак ашьҭахь, аметодисттә хархәагақәа рыла арҵаҩцәа аус рыцыруеит”, -ҳәа иазгәалҭеит Медеиа Ченгелиа.

Асеминар мчыбжьык иалагӡаны имҩаҧысуеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа