Ажәабжьқәа

Популярное

Аҧсны Аҵәахырҭатә Банк аҿы аҧарашьҭаҵақәа рзы амцхәратә ҧарашәара азы Аҧкаанҵа шьақәырҕәҕәоуп

577
30.08.2019 14:39
Аҧсны Аҵәахырҭатә Банк аҿы аҧарашьҭаҵақәа рзы амцхәратә ҧарашәара азы Аҧкаанҵа шьақәырҕәҕәоуп
Ишьақәырҕәҕәоу Аҧкаанҵа азы аҧаратә хархәагақәа ҳазҭоу амчыбжь инаркны ауааҧсыра рысчиотқәа ирҭагалахоит.

Аҟәа. Нанҳәамза 30. Аҧсныпресс. Нанҳәамза 14, 1992 шықәса рҟынӡа Аҧсны Аҵәахырҭатә Банк аҿы иҵәахыз аҧарашьҭаҵақәа рзы амцхәратә ҧарашәареи ашәҟәҭагалареи рзы аминистрцәа Реилазаара аҿы иҟоу акомиссиа, Аҧсны аҧыза-министр ихаҭыҧуаҩ, афинансқәа рминистр Џьансыхә Нанба ихантәаҩрала изаамҭанытәиу аҧкаанҵа шьақәнарҕәҕәеит. Абри азы адырра ҟанаҵоит атәыла Анапхгара аофициалтә саит.

Акомиссиа алахәылацәа мшаҧымза 1, 2003 шықәса инаркны ажьырныҳәамза 20, 2004 шықәсанӡа зҧарашьҭаҵақәа ашәҟәҭагалара иахызгаз ауааҧсыра рсиа иақәшаҳаҭханы ишьақәдырҕәҕәеит. Асиа иалалеит 167-ҩык. Иарбоу ауааҧсыра ркатегориа азы ишьақәырҕәҕәоу ашәатәқәа рзеиҧш еицҵалыҵ 1 млн 763 нызықь мааҭ рҟынӡа инаӡоит.

Иҿыцу Аҧкаанҵа иалагалан егьи акатегориа иаҵанакуа ауааҧсырагьы – жьҭаарамза 1 инаркны ҧхынҷкәынмза 2012 шықәсанӡа зҧарашьҭаҵақәа ашәҟәҭагалара иахызгаз. Иарбоу ауааҧсыра ркатегориа азы ишьақәырҕәҕәоу ашәатәқәа рзеиҧш еицҵалыҵ – 3 млн 280 нызықь мааҭ рҟынӡа инаӡоит.

Ишьақәырҕәҕәоу Аҧкаанҵа азы аҧаратә хархәагақәа ҳазҭоу амчыбжь инаркны ауааҧсыра рысчиотқәа ирҭагалахоит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа