Ажәабжьқәа

Популярное

Аҧсни Урыстәылеи рзы Иаку Аинформациа-координациатә Центр: 8-ҩык аҧсуааи, 3-ҩык аурыс специалистцәеи аусура иалагеит

139
18.07.2018 11:12
Аҧсни Урыстәылеи рзы Иаку Аинформациа-координациатә Центр: 8-ҩык аҧсуааи, 3-ҩык аурыс специалистцәеи аусура иалагеит
Аҧсны аҩныҵҟатәи аусқәа рминистр Гарии Аршба Аҧсни Урыстәылеи рзы Иаку Аинформациа-координациатә Центр аусзуҩцәа алархәны аилатәара мҩаҧигеит.

Аҟәа. Ҧхынгәымза 18. Аҧсныпресс. Аҧсны аҩныҵҟатәи аусқәа рминистр Гарри Аршба Иаку Аинформациа-координациатә Центр аусзуҩцәа алархәны имҩаҧигаз аилатәара аҿы анаҩстәи аусеицура аперспективақәа дрылацәажәеит. Абри атәы аанацҳауеит атәыла аҩныҵҟатәи аусқәа Рминистрра апресс-маҵзура.

Гарри Аршба ишазгәеиҭаз ала, Ацентр Аҧсни Урыстәылеи аҩныҵҟатәи аусқәа Русбарҭақәа еиҿкаау ацәгьоуреи акоррупциеи рҿагылара иазырхоу русура ахылаҧшреи акоординациеи рзы иаҧҵан.

Аацҳамҭа излаанацҳауа ала, иахьазы аусура хацдыркхьеит Ацентр 11-ҩык аусзуҩцәа. 20-штат аҟынтәи Аҧсны аҩныҵҟатәи аусқәа Рминистрра аҟынтәи аусура ахь инашьҭуп 8-ҩык аспециалистцәа, Урыстәылатәи Афедерациа аҩныҵҟатәи аусқәа Рминистрра аҟынтәи-3-ҩык аспециалистцәа.

“Аҧсни Урыстәылеи Рнаҧхгара иарбоу Аусбарҭа агәыҕра дуқәа адырҳәалоит. Ацентр аҿаҧхьа иӡбатәны иқәгылоуп актуалра злоу азҵаарақәа жәпакы”, – ҳәа инаҵшьны иазгәеиҭеит атәыла аҩныҵҟатәи аусқәа рминистр Гарри Аршба.

Аилатәара аҿы иара убас, Аҧсни Урыстәылеи рзы Иаку Аинформациа-координациатә Центр аусура ахырхарҭақәа рзы амаҵзуратә аамҭаҧҵәа ашьақәыргылара азҵаарақәа ирзааҭгылеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа