Ажәабжьқәа

Аҧсни Урыстәылеи рделегациақәа ихымҧадатәиу амедицинатә бгаҧса азы Аиқәшаҳаҭра анагӡара иалацәажәеит

157
02.04.2019 13:12
Аҧсни Урыстәылеи рделегациақәа ихымҧадатәиу амедицинатә бгаҧса азы Аиқәшаҳаҭра анагӡара иалацәажәеит
Аилацәажәара мҩаҧысуан Шәача ақалақь аҿы.

Аҟәа. Мшаҧымза 2. Аҧсныпресс. Шәача ақалақь, ақалақьтә хәышәтәырҭа №4 аҿы, Аҧсны иааиҧмырҟьаӡакәа иқәынхо Урыстәылатәи Афедерациа атәылауаа Краснодартәи атәылаҿацә иахьаҵанакуа амедицинатә цхыраара рыҭаразы ихымҧадатәиу амедицинатә бгаҧса раиура иадҳәалоу Аиқәшаҳаҭра анагӡара иазку азҵаарақәа рыӡбаразы аилатәара мҩаҧысит. Аҧсны аганахьала аиҽцәажәарақәа ихы алаирхәит Аҧсны агәабзиарахьчара аминистр Ҭамаз Цахнакиа. Урыстәылатәи аган ахьӡала иарбоу аусмҩаҧгатә иалахәын Урыстәылатәи Афедерациа агәабзиарахьчара аминистр ицхырааҩ Анатоли Гулин напхгара зиҭоз аделегациа. Абри атәы аанацҳауеит Аҧсны агәабзиарахьчара Аминистрра апресс-маҵзура.

Аилацәажәара аихшьаалақәа рыла, Ҭамаз Цахнакиа иазгәеиҭеит: “Ҳара ҳтәылауаа ихымҧадатәиу амедицинатә бгаҧса раиура аиҿкаареи, иара убас, Краснодартәи атәылаҿацәи Аҧсни рыбжьара знапаҵыҩра алыршаз Аиқәшаҳаҭра иарбоу ахәҭаҷқәа разгәаҭареи, аҩганктәи аусуратә гәыҧ аҧҵареи ирыдҳәалоу азҵаарақәа жәпакы ҳрылацәажәажәеит, – ҳәа иҳәеит Ҭамаз Цахнакиа.

Ахәҭакахьала, Краснодартәи атәылаҿацә агәабзиарахьчара аминистр Евгени Филиппов иколлегацәа инарыгӡаз хра злоу аусуразы ҭабуп ҳәа реиҳәеит: “Сара, Аҧсни Краснодартәи атәылаҿацәи ргәабзиарахьчара Аминистррақәа русеицура иалҵшәаны апациентцәа амедицинатә цхыраара рыҭара иазырхоу иаку атактика алхра алыршахап ҳәа агәаанагара сымоуп”.

Убри аан, Анатоли Гулин, Аҧсны иааиҧмырҟьаӡакәа иқәынхо Урыстәылатәи Афедерациа атәылауаа амедицинатә цхыраара рыҭара иазырхоу аҩганктәи аусмҩаҧгатәқәа разҧхьагәаҭа шьақәыргылоуп ҳәа иазгәеиҭеит: “Жәаҳәарада уадаҩрақәак ыҟоуп. Урҭ иахьа ҳрылацәажәон. Агәара ганы сыҟоуп аҩганк, Аҧсни Краснодартәи атәылаҿацәи русецурала уи зегьы аҭыҧ ишықәҵахо. Аусецура аплан азҧхьагәаҭоуп. Краснодартәи аспециалистцәа Аҧсныҟа иаалоит, урҭ аҧснытәи рколлегацәа Краснодартәи атәылаҿацә иҟоу ахәшәтәырҭақәа ирҭаалоит. Уи зегьы ааизакны ҳсура алҵшәа бзиақәа раарҧшра иазырхоуп”, – ҳәа иҳәеит Анатолий Гулин.


Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа