Ажәабжьқәа

Популярное

Аҧсни Урыстәылеи рҟынтәи аҳазылхыҩцәа аусеицура азы аперспективақәа ирылацәажәеит

173
07.11.2017 11:32
Аҧсни Урыстәылеи рҟынтәи аҳазылхыҩцәа аусеицура азы аперспективақәа ирылацәажәеит
Аҧсны Аҳәынҭқарратә ҳазылхратә Еилакы аделегациа Урыстәыла Афедералтә Ҳазылхратә Маҵзура аҧҵеижьҭеи 26-шықәса аҵра иадҳәаланы имҩаҧгаз аныҳәатә усмҩаҧгатәқәа ахы аланархәит.

Аҟәа. Абҵарамза 7. Аҧсныпресс. Шьҭа традициала ишышьақәгылахьоу ала, Урыстәыла Афедералтә Ҳазылхратә Маҵзура иҟанаҵаз ааҧхьарала, Аҧсны Аҳәынҭқарратә ҳазылхратә Еилакы ахантәаҩы Беслан Ҵнариа наҧхгара зиҭоз аделегациа Москва ақалақь аҿы имҩаҧгаз XVIII Жәларбжьаратәи ацәыргақәҵа “Аҳазылхратә маҵзура-2017” иаҭааит. 

Жәларбжьаратәи ацәыргақәҵа аартра Урыстәыла аҳазылхҩы Имш азгәаҭара иазкын. Ацәыргақәҵа алахәылацәа, асасцәа, аҭааҩцәа  аҳазылхреи абизнеси русеицура ҳаамҭазтәи амеханизмқәеи алшарақәеи аазырҧшуаз аекспонатқәа ирыхәаҧшит. 

Ацәыргақәҵа аҳәаақәа ирҭагӡаны, “Аҳазылхратә усура-2017: армариара арманшәалара, аеффективтәра ашәарҭадатәра” ҳәа хыс измаз афорум мҩаҧысит. Уи аусура рхы аладырхәит аҳаҭыр зқәу асасцәа – Адунеизегьтәи аҳазылхратә Еиҿкаара амаӡаныҟәгаҩ хада Кунио Мекурио, иара убас, Аҧсны, Ермантәыла, Латвиа, Словакиа, Приднестровтәи Жәлартә Республика, Филлиппины, Естониа, Аахыҵ-уаҧстәыла аҳазылхратә маҵзурақәа рнаҧхгаҩцәа. Афорум апленартә еилатәара атема “Аҳазылхра аҳәынҭқарреи абизнеси рзы” иазкын. Иара убас, аҳазылхратә технологиақәеи аҳазылхратә уснагӡатәқәеи рыҩаӡара аизырҳара рзы ажәалагақәа рыхәаҧшреи рылацәажәареи ирызкыз астол гьежьқәеи апанельтә дискуссиақәеи мҩаҧысит. 

Ацәыргақәҵа аусура актәи амш ахыркәшамҭаз  Аҧсны Аҳәынҭқарратә ҳазылхратә Еилакы аделегациа Урыстәыла Афедералтә Ҳазылхратә Маҵзура аҧҵеижьҭеи 26-шықәса аҵра иадҳәаланы имҩаҧгаз аныҳәатә усмҩаҧгатәқәа ахы аланархәит.

Аҧсны Аҳәынҭқарратә ҳазылхратә Еилакы аделегациа Москваҟа аусуратә ҭаара иалагӡаны Аҧсни Урыстәылеи рҳазылхратә Маҵзурақәа рнаҧхгаҩцәа Беслан Ҵнариеи Владимир Булавини реиҧылара еиҿкаан. Араҟа аганқәа  Аҧсны иахьаҵанакуа иҷыдоу аҳазылхратә усбарҭа аусуреи, Аҧсны Аҳәынҭқарра аҳазылхратә закәанҧҵара Евразиатәи аекономикатә еидгылара азини Урыстәылатәи Афедерациа азакәанҧҵареи ирықәшәо аҟаҵараеи, иара убас Аҧсны аҳазылхратә Еилакы анаҧхгараҭара ахаҭарнакцәеи Аҧсны атәылауааи Урыстәылатәи Афедерациа аҳазылхратә академиеи уи аҿгақәеи рҿы аҵара дырҵара аиҿкаареи рзы аусуратә гәыҧқәеи уи аҟәшақәеи раҧҵара алыршара иалацәажәеит. Аганқәа Аҧсны аҳазылхратә Еилаки Урыстәыла Афедералтә ҳазылхратә Маҵзуреи рыбжьара аусеицура аимабзиаратә еизыҟазаашьақәа рышьаҭала хра злоу аҿиара шамоу азгәарҭеит. 

Иара убас, аҭаара аҳәаақәа ирҭагӡаны, Аҧсны Аҳәынҭқарра аҳазылхратә закәанҧҵара Евразиатәи аекономикатә еидгылара азин иақәшәо аҟаҵара иазырхоу аусмҩаҧгатәқәа рынагӡара Аплан акоординациа аҭара азы иаҧҵоу Аусуратә гәыҧ 5-тәи аилатәара мҩаҧысит. Аилатәара аҿы Аплан анагӡареи, иара убас, Урыстәылатәи аҳазылхратә усбарҭақәа ринфармациа-программтә хархәагақәа Аҧсны аҳәынҭқарратә ҳазылхратә Еилакы аҭареи, урҭ Аҧсны Аҳәынҭқарра азакәанҧҵара иақәшәо аҟалара азы анаҩстәи аус адулареи ирызку азҵаарақәа ирылацәажәеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа