Ажәабжьқәа

Популярное

Аҧсни Урыстәылеи Апарламентқәа рдепутатцәа аҧсуа-аурыс аҳәынҭқарратә ҳәаа ҧымкрада аиасра иадҳәалоу азҵаарақәа жәпакы ирылацәажәеит.

190
02.10.2018 16:51
Аҧсни Урыстәылеи Апарламентқәа рдепутатцәа аҧсуа-аурыс аҳәынҭқарратә ҳәаа ҧымкрада аиасра иадҳәалоу азҵаарақәа жәпакы ирылацәажәеит.
Аҧсны Жәлар Реизара-Апарламент аҿы Аҧсни Урыстәылеи Апарламентқәа реилакқәа аҩганктәи реиҧылара мҩаҧысит. 

Аҟәа. Жьҭаарамза 2. Аҧсныпресс. Лана Ҵәыџьба/Ҭамара Ачба. Жәларбжьаратәи апарламентбжьаратәи аимадареи, аитәылауаа рыҽрымадареи рзы Аҧсны Жәлар Реизара-Апарламент Аилаки, Ихьыҧшым аҳәынҭқаррақәа Реиҩызара аусқәеи, евразиатәи аинтеграциеи, аитәылауаа рыҽрымадареи рзы  Урыстәылатәи Афедерациа Афедералтә Еизара Аҳәынҭқарратә Дума Аилаки  инарҭбаау аилатәара аҿы, жәларбжьаратәи аизыҟазаашьақәеи, атәылахьчареи, ашәарҭадареи ирыдҳәалоу азҵаарақәа жәпакы ирылацәажәеит. 

Жәларбжьаратәи апарламентбжьаратәи аимадареи, аитәылауаа рыҽрымадареи рзы Аҧсны Жәлар Реизара-Апарламент рколлегацәа рҟынтәи ацхыраара аиура, Аҧсны Аҳәынҭқарра ахьыҧшымра аофициалла иазхазҵаз аҳәынҭқаррақәа реилазаара аҳәаақәа рырҭбаареи, Аҧсны жәларбжьаратәи аиҿкаарақәеи аидгыларақәеи ралалара азы иманшәалоу аҭагылазаашьақәа рышьақәгылареи иазырхоу аусхкгьы уахь иналаҵаны. Ахәҭакахьала, Урыстәылатәи Афедерациа Аҳәынҭқарратә Дума ала, Аҧсны Жәлар Реизара-Апарламент адепутатцәеи ахаҭарнакцәеи, Урыстәыла еиҿкаахо  жәларбжьаратәи апарламенттә усмҩаҧгатәқәа рылахәхара, иара убас, жәларбжьаратәи апарламенттә еиҿкаара “Аҧсны аҩызцәа рлига” аҧҵара алыршара аҿы ацхыраара аҭара.  

Убри аан,  Ихьыҧшым аҳәынҭқаррақәа Реиҩызара аусқәеи, евразиатәи аинтеграциеи, аитәылауаа рыҽрымадареи рзы  Урыстәылатәи Афедерациа Аҳәынҭқарратә Дума ахантәаҩы ихаҭыҧуаҩ Константин Затулин инаҵшьны иазгәеиҭеит: “Урыстәыла, Аҧсни Аахыҵ Уаҧстәылеи рхьыҧшымра  азхазҵаз  аҳәынҭқаррақәа рхыҧхьаӡара аизырҳара ахшыҩзышьҭра ду  анаҭоит”. 

Иара убас, Асҭамыр Логәуа жәларбжьаратәи аизыҟазаашьақәеи, атәылахьчареи, ашәарҭадареи ирыдҳәалоу азҵаарақәа жәпакы ахәаҧшразы иқәиргылеит: “Ҧымкрада аҧсуа-аурыс аҳәынҭқарратә ҳәаа ахысра. Атәылахьчареи ашәарҭадареи рганахьала аусеицура абжьаҵара, иазку аконсультациақәа рымҩаҧгара”. 

Ахәҭакахьала, Константин Затулин, Урыстәыла Аҧсны ахьыҧшымра аназханаҵа ашьҭахь, уи инамаданы аҳәаахьчара иазырхоу аусеицура аганахьала аиқәшаҳаҭрақәа рнапаҵыҩра аныҟала ашьҭахь, уажәы аҳәынҭқарратә ҳәаа аҿы иҟоу аушьҭра-гәаҭаратә режим армариара, мамзаргьы зынӡа аҧыхра алыршахароуп ҳәа иазгәеиҭеит. “Иарбан уи иаҧырхагоу? Жәаҳәарада, ауаа, агәҭынчымрақәагьы уахь иналаҵаны, еиуеиҧшым азҵаарақәа рызцәырҵуеит, уигьы ахатәы ҵаҵгәы амоуп. Ари, ҳҳәынҭқаррақәа рхадацәа рыҩыӡараҿы иӡбахаша, даара хадара злоу темоуп. Иазгәасҭарц стахуп даҽакгьы. Ас еиҧш аиҭакрақәа залмыршахар ҟалап Аҧсны аҩныҵҟа иҭышәынтәалам аполитикатә ҭагылазаашьа аныҟала. Усгьы иҟалар алшоит! Ҳара ҳнаҧхгара аимак-аиҿаки аҭышәынтәамлареи атәыла иалалар аҭахӡам. Сара сгәаанагарала, раҧхьаӡа иргыланы, иалкаау ахықәкы ықәыргылатәуп, иҩбахаз-  уи анагӡара аетапқәа шьақәыргылатәуп. Зныкала зегьы рынагӡара залыршахом, иахәҭоу ахырхарҭала анаскьара хымҧадатәиуп. Ари ауаа зегьы ирзеиҧшу гәазыҳәароуп”, -ҳәа иажәа хыркәшо иазгәеиҭеит иара. 


Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа