Ажәабжьқәа

Аҧсни Шьамтәылеи рекономика аминистрцәа аҩ-ҳәынҭқаррак рыбжьара ахәаахәҭра-економикатә усеицура азҵаарақәа ирылацәажәеит

603
27.08.2019 17:08
Аҧсни Шьамтәылеи рекономика аминистрцәа аҩ-ҳәынҭқаррак рыбжьара ахәаахәҭра-економикатә усеицура азҵаарақәа ирылацәажәеит
Дамаск ақалақь аҿы Аҧсны аекономика аминистри Шьамтәылатәи Арабтәи Ареспублика аекономикеи адәныҟатәи ахәаахәҭреи рминистри реиҧылара мҩаҧысит.

Аҟәа. Нанҳәамза 27. Аҧсныпресс. Дамаск ақалақь аҿы Аҧсны аекономика аминистр Адгәыр Арӡынбеи Шьамтәылатәи Арабтәи Ареспублика аекономикеи адәныҟатәи ахәаахәҭреи рминистр Муҳаммед Самер Халили реиҧылара мҩаҧысит.

Аиҧылара аҿы Аҧсни Шьамтәылеи рекономика аминистрцәа аҩ-ҳәынҭқаррак рыбжьара ахәаахәҭра-економикатә усеицура азҵаарақәа ирылацәажәеит. Адгәыр Арӡынба шьамтәылатәи иколлега Аҧсны Анапхгара уаанӡа знапаҵыҩра мҩаҧгаз аиқәшаҳаҭрақәа инарықәыршәаны аекономикатә, ахәаахәҭратә, анаукатә, атехникатә, акультуратә, уҳәа аусеицуразы аҧсуа-шьамтәылатәи Аилак аҿы аҧсуа ган аилазаара шьақәнарҕәҕәеит ҳәа адырра ииҭеит. “Аҧсны Аанапхгара иарбоу Аилак аҧсуа ган аилазаара шьақәнарҕәҕәеит. Уажәшьҭа ҳара Аҧсни Шьамтәылеи рыуаажәларра рҭаххрақәа ирықәшәо ахыдҵақәа еффективла рынагӡара ҳазхиоуп, аҩҳәынҭқаррак еиуеиҧшым аусхқәа рыла ирыбжьоу аусеицураҿы ицәырҵуа ауадаҩрақәа оперативла рыӡбарагьы ҳалшоит”, – ҳәа инаҵшьны иазгәеиҭеит Адгәыр Арӡынба.

Шьамтәыла аекономикеи адәныҟатәи ахәаахәҭреи рминистр Муҳаммед Самер Халил, аҩганктәи Аилак ашьақәыргылара ахыркшарахь инеихьеит ҳәа иазгәеиҭеит. Уи иажәқәа рыла, ааигәа шьамтәылатәи аган иарбоу ахырхарҭала имҩаҧгоу аусуразы аҧсуа ган адырра анаҭараны иҟоуп.

Аҧсны аекономика аминистр, аҧсуа-шьамтәылатәи Аилак аусура ихадоу ахырхарҭақәа актәи аилатәараҿы иалкаахоит ҳәа иазгәеиҭеит. 

“Ҳазҭоу ашықәс хыркәшахаанӡа имҩаҧгахоит Аилак актәи аилатәара. Араҟа уи аусура аусхәаҧштә деталла иалкаахоит”, – ҳәа алкаа ҟаиҵеит Адгәыр Арӡынба. 

Иара убас, Аҧсны аекономика Аминистрра аделегациа, шьамтәылатәи аган ааҧхьарала, нанҳәамза 28 рзы имҩаҧгахо, 61-тәи, жәларбжьаратәи Дамасктәи ахәаахәҭра-цәыргақәҵа ахы аланархәуеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа