Ажәабжьқәа

Популярное

Аҧсни Ҟрыми рнапхгарабжьаратәи Акомиссиа аҿы имҩаҧысраны иҟоу аилатәара амшхәаҧштә зҵаарақәа ирылацәажәеит

411
03.12.2019 15:14
Аҧсни Ҟрыми рнапхгарабжьаратәи Акомиссиа аҿы имҩаҧысраны иҟоу аилатәара амшхәаҧштә зҵаарақәа ирылацәажәеит
Аҟәа ақалақь аҿы Аҧсни Ҟрыми рнапхгарабжьаратәи Акомиссиа аҧсуа ган аилатәара мҩаҧысит.

Аҟәа. Ҧхынҷкәынмза 3. Апсныпресс. Аҧсны аминистрцәа Реилазаара аҿы аҧыза-министр актәи ихаҭыҧуаҩ Даур Аршба ихантәаҩрала Аҧсни Ҟрыми рыбжьара ахәаахәҭра-економикатә, аҭҵаара-техникатә, агуманитартә усеицура аҿиара азы анапхгарабжьаратәи Акомиссиа аҧсуа ган аилатәара мҩаҧысит. Абри атәы аанацҳауеит аминистрцәа Реилазаара апресс-маҵзура.

Аилатәара аартуа, Даур Аршба Акомиссиа аилазаара арреспондент ҿыц – ақыҭанхамҩа азы аҳәынҭқарратә Еилакы ахантәаҩы Амиран Какалиа далагалоуп ҳәа адырра ҟаиҵеит.

Аилатәара алахәылацәа 2018 шықәсазы Аҟәа ақалақь аҿы, Анапхгарабжьаратәи Акомиссиа аҳәаақәа ирҭагӡаны знапаҵыҩра мҩаҧгаз аусмҩаҧгатәқәа разҧхьагәаҭа анагӡареи, иара убас аҩганктәи аимадареи хазы игоу ахылаҧшырҭақәа русеицуреи рзы аҳасабырбақәа ирылацәажәеит. Убри аан, Даур Аршба еиуеиҧшым аусхкқәа рҿы еицымҩаҧгоу аусмҩаҧгатәқәа рхыҧхьаӡара ессаира ишацло азы адырра ҟаиҵеит.

Иара убас, ҧхынҷкәынмза 12-15 рзы Симфирополь ақалақь аҿы имҩаҧысраны иҟоу Аҧсни Ҟрыми рнапхгарабжьаратәи Акомиссиа аҩбатәи аилатәара амшхәаҧштә зҵаарақәа ирылацәажәеит.


(АП): Абҵарамза 15, 2018 шықәса рзы Аҟәа ақалақь аҿы Аҧсни Ҟрыми рыбжьара ахәаахәҭра-економикатә, аҭҵаара-техникатә, агуманитартә усеицура аҿиара азы анапхгарабжьаратәи Акомиссиа актәи аилатәара мҩаҧысит. Араҟа ишьақәырҕәҕәан Акомиссиа аусура арегламенти аусмҩаҧгатәқәа разҧхьагәаҭеи. Аусшәҟәы еиуеиҧшым ахырхарҭақәа 10 рыла: ахәаахәҭра-економикатә усеицура, ақыҭанхамҩа, ааглыхра, атуризм, атраспорттә еиқәыршәара, аргылара, архитектура, аҵарадырра, анаука, абҩарҵәыра, аспорт, акультура, акультуратә ҭынха, ауаажәларратә еимадара, аҿартә политика, уҳәа рыла 40 инареиҳаны аусмҩаҧгатәқәа арбан.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа