Ажәабжьқәа

Популярное

Аҧсни Аахыҵ Уаҧстәылеи рыбжьара иҟоу аизыҟазаашьақәа еиуеиҧшым ахырхарҭақәа рыла аиқәшаҭра-зинндырратә шьаҭа еиҿкаахоит

505
25.08.2015 13:56
Аҧсни Аахыҵ Уаҧстәылеи рыбжьара иҟоу аизыҟазаашьақәа еиуеиҧшым ахырхарҭақәа рыла аиқәшаҭра-зинндырратә шьаҭа еиҿкаахоит
Аҧсны аделегациа Аахыҵ Уаҧстәыла аҭаара алҵшәақәа рыла Аҧсны аҳәаанырцәтәи аусқәа рминистр Виачеслав Чыркба апресс-конференциа мҩаҧигеит. 

Аҟәа. Август 24. Аҧсныпресс. Аминистр иҟаиҵо адыррақәа рыла, Аҧсни Уаҧстәылеи рнаҧхгарақәа рыбжьара аҩтәылак руааҧсыра визада реиҭанеиааираазы Аиқәшаҳаҭра рыбжьарҵеит. Аахыҵ Уаҧстәыла Аҧсны Ацҳаражәҳәарҭа аарҭра иадҳәаланы агәырҕьаратә церемониа мҩаҧисит. “Аҭаара алҵшәақәа даара ҳгәы иақәшәеит. Уажәазы ҳаҧхьаҟа азыАҧсни Аахыҵ Уаҧстәылеи рыбжьара иҟоу аизыҟазаашьақәа еиуеиҧшым ахырхарҭақәа рыла аиқәшаҭра-зиндырратә шьаҭа аиҿкаара мҩаҧысуеит”, – ҳәа иҳәеит Виачеслав Чыркба.  

Аминистр ишазгәеиҭаз ала, хыхь зыӡбахә ҳәаз Аиқәшаҳаҭра ҳуааҧсыра рзы даара акыр анаҵанакуеит. “Уа ҳтәылауаа нхоит. Шьҭарнахыс ҳара ҳпаспортқәа рыла аҩ-ҳәынҭқаррак рҭаара азы алшара ҳамоуп. Уи даара акыр аҵанакуеит, избан акәзар, Аҧсны атәылауаа (20%) Урыстәыла атәылауаҩ ипаспорт рымоуп”, – иҳәеит Аҧсны адәныҟатәи аусқәа рминистр. 

Уи Аҧсны Аахыҵ Уаҧстәыла абизнес амҩаҧгара азы ибзиоу аперспективақәа шамоу азгәеиҭеит: ”Урҭ иҭрыжьуа аалыҵ ҳара иҳадыргалар ҟалоит, ҳара ҳакәзаргьы убас, аекспортазы афатә аалыҵқәа ҳамоуп. Аҧсни Аахыҵ Уаҧстәылеи аус зуа анаплакыҩцәа лассы-лассы еиқәшәалароуп, аҧышәа еимырдалароуп”, – ҳәа иҳәеит Виачеслав Чыркба. 

Иара убас, Виачеслав Чыркба иажәақәа рыла, аҩ-тәылак акультуратә, аекономикатә уҳәа егьырҭ еиуеиҧшым ахырхарҭақәа рыла аҿиара иадҳәалоу аусура азҧхьагәаҭаны ирымоуп.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа