Ажәабжьқәа

Популярное

Аҧсни Аахыҵ Уҧстәылеи автомобилтә еимадара азы Аиқәшаҳаҭра рыбжьаҵара азҧхьагәаҭоуп

141
31.05.2019 13:42
Аҧсни Аахыҵ Уҧстәылеи автомобилтә еимадара азы Аиқәшаҳаҭра рыбжьаҵара азҧхьагәаҭоуп
Иарбоу Аиқәшаҳаҭра абжьаҵаразы Ақәҵара рыдыркылеит Аҧсны аминистрцәа Реилазаара аилатәара аҿы.

Аҟәа. Лаҵарамза 31. Аҧсныпресс. Ҭамара Ачҧҳа. Аминистрцәа Реилазаара аилатәара аҿы Аҧсны Аҳәынҭқарра Анапхгареи Аахыҵ Уҧстәылатәи Ареспублика Анапхгареи автомобилтә еимадаразы Аиқәшаҳаҭра рыбжьаҵара иазкны Ақәҵара рыдыркылеит.

Аусшәҟәы адгалара мҩаҧго, адәныҟатәи аусқәа рминистр ихаҭыҧуаҩ Иракли Ҭыжәба иазгәеиҭеит: “Жәларбжьаратәи аиқәшаҳаҭрақәа рзы Аҧсны Аҳәынҭқарра Азакзан инақәыршәаны, аминистрцәа Реилазаара атранспорт азы аҳәынҭқарратә Усбарҭа атәыла адәныҟатәи аусқәа Рминистрреи, аиустициа Аминистрреи, афинансқәа Рминистрреи, аекономика Аминистрреи, аҳәынҭқарратә ҳазылхратә Еилаки ақәыршаҳаҭны зыдгалара мҩаҧнагаз Аҧсны Аҳәынҭқарра Анапхгареи Аахыҵ Уаҧстәыла Анапхгареи рыбжьара жәларбжьаратәи автомобилтә еимадара рыбжьаҵара азы Аиқәшаҳаҭра апроекти, иара убас, атранспорт азы аҳәынҭқарратә Усбарҭа ирбоу Аиқәшаҳаҭра Аҧсны аганахьала анапаҵыҩразы азинмч аҭареи адгылара анаҭоит”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа