Ажәабжьқәа

Популярное

Аҳҭнықалақь Ахадара аҿы адгьыл хәҭақәа рзоужьра иадҳәалоу аамҭаҧҵәа шьақәырҕәҕәоуп

631
16.10.2015 14:18
Аҳҭнықалақь Ахадара аҿы адгьыл хәҭақәа рзоужьра иадҳәалоу аамҭаҧҵәа шьақәырҕәҕәоуп
Ақалақь иахьаҵанакуа адгьыл хәҭақәа рзоужьра иадҳәалоу анаҧхгаратә аамҭаҧҵәа аусмҩаҧгатәқәа рынагӡара армариареи, уи иазыҧҵәоу аамҭа аркьаҿреи ирызкуп

Аҟәа. Октиабр 16. Аҧсныпресс. Ирена Џьопуа. Ақалақь Ахадара Ақәҵарала «Ақалақь иахьаҵанакуа адгьыл хәҭақәа рзоужьра иадҳәалоу» анаҧхгаратә аамҭаҧҵәа шьақәырҕәҕәоуп. 

«Аҳҭнықалақь Ахадара ауааҧсыра рҟынтәи арзаҳалқәеи урҭ рыла аӡбарақәа рыдкылареи иадҳәалоу аусмҩаҧгатәқәа рынагӡара армариареи, уи иазыҧҵәоу аамҭа аркьаҿреи ирызку аполитика мҩаҧнагоит. Уи, зегь раҧхьаӡа иргыланы ари апроцесс иаҳа иаартны амҩаҧысра аҟалара иазкуп. Иааизакны ари апроцесс 30 мшы ирылагӡазароуп», – ҳәа иҳәеит аҳҭнықалақь архитектуреи ақалақь аргылареи адгьылшьақәыргылареи русбарҭа анџьныр хада Вахтанг Қәаранӡиа. 

Вахтанг Қәаранӡиа иажәақәа рыла, иҿыцу аамҭаҧҵәа ауааҧсыра рзы анаӡара маншәалоуп. Аусшәҟәқәа рзы адырра уоурц алшоит Аҟәа ақалақь Ахадара аофициалтә саити архитектура аҟәша аҿы ишьақәгылоу аҭӡытә дырранҵақәа рҿы. 

“Ҳара ишьақәҳаргылаз аҭӡытә дырранҵақәа рҿы адгьыл хәҭақәа раиуразы ихымҧадатәиу аусшәҟәқәа рсиеи уи азы аамҭаҧҵәеи рнуп. Арзаҳал иҿыцу ахкы ақәырҧшы кьыҧхьны иҳамоуп. Уи ухатәы дыррарбагақәа рҭаҩара мацара ауп иаҭаххо. Уи иахәҭоу аусшәҟәқәа рсиа ацуп. Ауааҧсыра ас еиҧш аиҭакрақәа ахәшьара ҳаракы арҭап ҳәа агәыҕра сымоуп”, – ҳәа иҳәеит ақалақь Ахадара архитектуреи ақалақь аргылареи адгьылшьақәыргылареи русбарҭа анџьныр хада Вахтанг Қәаранӡиа.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа