Ажәабжьқәа

Аҳҭнықалақь аҿы хабарда ибжьаӡыз ирызку ацәыргақәҵа аатит

93
12.04.2019 14:21
Аҳҭнықалақь аҿы хабарда ибжьаӡыз ирызку ацәыргақәҵа аатит
Ацәыргақәҵа аиҿкааҩ – Жәларбжьаратәи Аџьар Ҟаҧш Акомитет.

Аҟәа. Мшаҧымза 12. Аҧсныпресс. Ҭамара Ачба. Аҟәа ақалақь аҿы хабарда ибжьаӡыз ирызку афтоцәыргақәҵа “Ҳазыҧшуп” аатит. Ацәыргақәҵа аиҿкааҩ – Жәларбжьаратәи Аџьар Ҟаҧш Акомитет.

Ацәыргақәҵа аартра иазку ацеремониа ахь инеит Аҧсны адәныҟатәи аусқәа Рминистрреи ауаажәларратә еиҿкаарақәеи рхаҭарнакцәа, аветеранцәа, ашколхәыҷқәа.
Аҧсны иҟоу Жәларбжьаратәи Аџьар Ҟаҧш Акомитет анапхгаҩы Максим Забалуев аусмҩаҧгатә иаҵоу аҵак ҷыда дахцәажәеит: “Иахьа ҳара хабарда ибжьаӡыз ирызку афотоцәыргақәҵа аартра азы алшара бзиа ҳамоуп. Ари раҧхьаӡатәи усмҩаҧгатәуп. Ҳара ауаа хабарда рыбжьаӡра иадҳәалоу апроблема ҳазааҭгылар ҳҭахуп. Урҭ рыуацәеи, ирзааигәоу ауааи ргәырҩа рыцеиҩаҳшоит. Иахьынӡаҳалшо ала ацхыраара рыҭара ҳҽазаҳшәоит".



Афотоцәыргақәҵа аекспозициа аҿы ицәыргоуп Жәларбжьаратәи Аџьар Ҟаҧш Акомитет аекспертцәа русура иазку афотоматериалқәа, иҧшааз аҧсыбаҩқәа анышә иахьамадаз аҭыҧқәа рҟынтәии, егьырҭ аусмҩаҧгатәқәеи рҟынтәии арепортажқәа, уҳәа убас иҵегьы ирацәаны.   

Ацәыргақәҵа ҩымш имҩаҧыслоит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа