Ажәабжьқәа

Популярное

Аҧхасҭа зырҿио ахәаҷа-маҷақәа рҿагылара еиҳа алҵшәа бзиахароуп

203
17.05.2017 16:21
Аҧхасҭа зырҿио ахәаҷа-маҷақәа рҿагылара еиҳа алҵшәа бзиахароуп
Аҧсны Аҭҵаарадыррақәа Ракадемиа иатәу аекологиа аинститут аҿы аҧхасҭа зырҿио ахәаҷа-маҷақәа рҿагылара иазку алабораториа аатит.

Аҟәа. Лаҵарамза 16. Аҧсныпресс. Дамеи Касланӡиа. Аҧсны Аҭҵаарадыррақәа Ракадемиа иатәу аекологиа Аинститут аҿы аҧхасҭа зырҿио ахәаҷа-маҷақәа рҿагылара иазку алабораториа аатит.

Алабораториа аартра 2016 шықәсазы Афедеративтә Республика Германиа Анаҧхгара ОБСЕ аҿы ахантәаҩра аҳәаақәа ирҭагӡаны иҟанаҵаз ацхыраарала иаҧҵаз Еиду Амилаҭқәа Реиҿкаара аҿиара Апрограмма абзоурала иҟалеит. Убри аан, иара убас ацхыраара ҟанаҵеит ауаажәларратә екологиатә еиҿкаара “Аҧсабара”, Аҧсны Аҭҵаарадыррақәа Ракадемиа иатәу аекологиа Аинститут.

Аҧсны Аҭҵаарадыррақәа Ракадемиа иатәу аекологиа Аинститут иҟанаҵо адыррақәа рыла, алабораториа аҿы аҧхасҭа зырҿио ахәаҷа-маҷақәа иҿыцу ахкқәа ҭырҵаалоит. Аҭҵааратә усмҩаҧгатәқәа ирыбзоураны, атәыла аекосистемеи аекономикеи аҧхасҭа ду азҭо ахәаҷа-маҷа хкқәа идырҿио ахҟьаҧҟьақәа рықәгара азы адыррақәа рыҩаӡара аизырҳара алыршахоит.

Аҧсны Аҭҵаарадыррақәа Ракадемиа иатәу аекологиа Аинститут анаҧхгаҩы Роман Дбар алабораториа иамоу алшарақәа дрыхцәажәеит. Убри аан уи иазгәеиҭеит:
Ари Аҧсны азы иуникалтәу лабораториуп. Уи ахықәкы хада– атәыла зҽалазырҵәо аҧхасҭа зырҿио ахәаҷа-маҷа хкқәа рыҧшаареи рнырҵәареи ауп. Уажәазы аҭҵааратә гәаҭарақәа мҩаҧысуеит. Урҭ рылҵшәақәа анаҩс аҭҵааратә материалны иҟалоит”.

Ахәҭакахьала, Еиду Амилаҭқәа Реиҿкаара (ООН (UNDP)) Апрограмма есымшатәи ахаҭарнак, Еиду Амилаҭқәа Реиҿкаара акоординатор Нилс Скотт иазгәеиҭеит: “Агәра ганы сыҟоуп, Еиду Амилаҭқәа Реиҿкаара (ООН (UNDP)) Апрограмма иҟанаҵо алагала, иаагозар уажәы Аҧсны иаартхо алабораториа, аекосистема шьақәзыргыло аҭыҧантәи афлореи афаунеи рырҕәҕәара иазырхоу аусеицура алҵшәақәа реиҕьтәра, иара убри ала аекологиатә катастрофа ацәцара шалнаршо”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа