Ажәабжьқәа

Популярное

Ҳаҧхьаҟа аӡынра шьҭоуп, афымцалашара азы ахә ашәара хымҧадатәиуп – Зураб Қәтелиа

477
25.08.2015 11:57
Ҳаҧхьаҟа аӡынра шьҭоуп, афымцалашара азы ахә ашәара хымҧадатәиуп – Зураб Қәтелиа
Ареспубликатә Аунитартә Наплакы “Амшынеиқәафымцамч” Ҭҟәарчалтәи аҟәша аиҳабы Зураб Қәтелиа араион ауааҧсыра рхы иадырхәо афымцамч азы аҧара ршәарц аҳәамҭа ҟаиҵеит. 

Аҟәа. Август 25. Аҧсныпресс. Ҳазҭоу ашықәс фымз иалагӡаны Ареспубликатә Аунитартә Наплакы “Амшынеиқәафымцамч” Ҭҟәарчалтәи аҟәша аҿы 12 902 950 мааҭ рыхә афымцамч аушьҭын. 

Убри аан ахархәара зауз афымцамч ахәҧса ауааҧсыреи анаплакқәеи рҟынтәи 5 135 123 мааҭ рҟынӡа ауп иахьынаӡаз. Фымз рыла ишьақәгылаз ауалқәха – 3 066 850 мааҭ рҟынӡа инаӡоит. Урҭ рахьтә ақалақь иахьаҵанакуа ала – 1 289 461 мааҭ, ақыҭақәа рыла – 1 787 059 мааҭ. 

Зураб Қәҭелиа иазгәеиҭеит: “Фымз ирылагӡаны Ҭҟәарчалтәи аҿга “Амшынеиқәафымцамч” аҟынтәи араион ақыҭақәа рҿы иҟоу, зусура ҽҳәара иахысхьоу рыҧсахра азы 4 трансформаторки уи азы ахшьтәи, ашьаҟақәеи уҳәа егьырҭ амаҭәахәқәеи роуит. Аҳәынҭқарратә араионтә фымцатә станциа аҿы зымч 220 кв инаӡо арцәага ҿыц шьақәыргылан. Аҳәынҭқарратә араионтә фымцатә станциа Ҭҟәарчалтәи аҟәша афымцаеихшарҭа аҿы уажәтәи аамҭазы зымч 110 кв. инаӡо арцәага ҿыц ашьақәыргылара иаҿуп. Уи ахәҧса даара иҳаракуп”. 

Иагьа ус иҟазаргьы, Зураб Қәҭелиа ишазгәеиҭаз ала: “Араион аҿы афымцамҩангагатә цәаҳәа аҭагылазаашьа еиҳа еиҕьзар ауан, аиҭашьақәыргыларатә усурақәа рымҩаҧгаразы аҧара азхом. Ауааҧсыра ракәзар, рхы иадырхәо афымцамч ахәҧса ашәара рҭахым!” 

Ареспубликатә Аунитартә Наплакы “Амшынеиқәафымцамч” Ҭҟәарчалтәи аҟәша анаҧхгаҩы араион ауааҧсыра рахь ааҧхьара ҟаиҵеит: ”Ҳаҧхьаҟа аӡынра шьҭоуп, афымцалашара азы ахә ашәара хымҧадатәиуп. Ус анакәымха, иааиуа аӡынтәи аамҭахәҭа зегьы рзы даара иуадаҩхоит!”

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа