Ажәабжьқәа

Популярное

Аҧҭекақәа реиҿкаара “Лекарь” ауааҧсыра хәыда-ҧсада антисептикқәа рыҭара мҩаҧнагоит

85
31.03.2020 18:32
Аҧҭекақәа реиҿкаара “Лекарь” ауааҧсыра хәыда-ҧсада антисептикқәа рыҭара мҩаҧнагоит
Изҭаху зегьы аптека ахь днеины хәыда-ҧсада антисептикқәа ргара илшоит.

Аҟәа. Хәажәкырамза 31. Аҧсныпресс. Дамеи Касланӡиа. Аҧҭекақәа реиҿкаара “Лекарь”, аҳәыҧҭқарратә стандарт азы Аилаки, агәабзиарахьчареи асоциалтә еиқәыршәареи Рминистрреи рыцхыраарала, ауааҧсыра хәыда-ҧсада антисептикқәа рыҭара мҩаҧнагоит.

Аҧҭекақәа реиҿкаара “Лекарь” анапхгаҩы Аксана Гогиа Аҧсныпресс  акорреспондент диҿцәажәо иарбоу агәыҳалалратә акциа далацәажәеит: “Иахьа аптекақәа рҿы антисептикқәа разымхара ыҟоуп. Убри инамаданы, афирма “Лекарь” анапхгараҭара абас еиҧш аӡбамҭа рыдыркылеит. Ҳара ашьыжь инаркны ари акциа хацҳаркхьеит. Изҭаху зегьы ҳаҧҭека аҿы днеины антисептикқәа хәада-ҧсада игар алшоит. Ҳара иара убас антисептикқәа аусбарҭақәа – Аҩныҵҟатәи аусқәа Рминистрра, Аҳәынҭқарратә телерадиоеилахәыра, ахәашәтәырҭақәа ирзаҳшеит. Излаҳалшо ала акарантин аҧыхра рыларҳәаанӡа ари аус иацаҳҵалоит”. 

Аксана Гогиа ҭабуп лҳәеит Николаи Ачба, Данила Зыхәба, Давид Сангәлиа иҟарҵаз ацхыраареи адгылареи рзы.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа