Ажәабжьқәа

Популярное

Аҟәатәи жәларбжьаратәи акинофестиваль аҿы 30 инарзынаҧшуа афильмқәа рыдгалара мҩаҧгахоит

83
01.04.2019 15:47
Аҟәатәи жәларбжьаратәи акинофестиваль аҿы 30 инарзынаҧшуа афильмқәа рыдгалара мҩаҧгахоит
Аҩбатәи Аҟәатәи жәларбжьаратәи акинофестиваль мшаҧымза 4-8 рзы имҩаҧгахоит.

Аҟәа. Мшаҧымза 1. Аҧсныпресс. Мадина Чагәааҧҳа. Мшаҧымза 4-8 рзы имҩаҧгахо Аҩбатәи Аҟәатәи жәларбжьаратәи акинофестиваль алахәхаразы  4 нызықь рҟынӡа азыҳәамҭақәа алагалан. Абри атәы ааицҳауеит аҿартә политика азы аҳәынҭқарратә Еилакы аҿар аус рыцура азы аҟәша аиҳабы Давид Цышәба.

“Аконкурстә программа 30 кинофильм мацара ауп иалалаз. Урҭ рхыҧхьаӡараҿы иҟоуп аҧсуа режиссиор Џьанико Цурцумиа Миха Лакрба иновеллақәа руак амотивқәа рыла иҭихыз акиносахьа  “Асас”, – ҳәа иҳәеит Давид Цышәба.

Иара убас, Давид Цышәба иажәақәа рыла, аконкурстә ахәаҧшрақәа рнаҩс, акинофестиваль аҳәаақәа ирҭагӡаны имҩаҧгахоит иҷыдоу ахәаҧшрақәа: “Ахәаҧшрақәа 3 ҟалоит, урҭ рахьынтә акы амультфильм ауп. Макьаназы уаҳа акгьы сызҳәом, маҷк амаӡа аансыжьуеит”,– ҳәа иҳәеит иара.

Давид Цышәба иажәақәа рыла, сынтәа Акинофестиваль иаднакылоит адунеи зегьы аҟынтәи 80-ҩык инарзынаҧшуа асасцәа – акинокритикцәа, аекспертцәа, арепортиорцәа, насгьы жәаҳәарада аконкурсанцәа рхаҭақәагьы. “Аӡбаҩцәа реилазаараҿы иҟалоит – урыстәылатәи атеатр, акино, ателехәаҧшра актриса Ирина Волкова, акинорежиссиор Алексеи Федорченко, уҳәа убас аӡәырҩы. Иара убас акинофестиваль ахәаҧшцәа ргәы зҽаным ахҭыс бзиагьы рзыҧшуп”, – ҳәа иҳәеит иара.
Акинофестиваль ахь анеира ахәаҧшцәа рзы ихәыда-ҧсадахоит.

Аҟәатәи жәларбжьаратәи акинофестиваль афинал мҩаҧысуеит мшаҧымза 8 рзы. Араҟа аиааира згаз аҳамҭақәа ранашьара мҩаҧгахоит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа