Ажәабжьқәа

Популярное

Аҟәатәи апарк аҿы апроект “Аекологиатә журналистика” аҳәаақәа ирҭагӡаны 10 ҧсаҵла еиҭаҳауп

63
12.04.2019 13:40
Аҟәатәи апарк аҿы апроект “Аекологиатә журналистика” аҳәаақәа ирҭагӡаны 10 ҧсаҵла еиҭаҳауп
Апроект мҩаҧнагоит Аҧсны амассатә информациа ахархәагақәа русзуҩцәа Рассоциациа.

Аҟәа. Мшаҧымза 12. Аҧсныпресс. Мадина Чагәааҧҳа. Аҧсны амассатә информациа ахархәагақәа русзуҩцәа Рассоциациа апроект “Аекологиатә журналистика” аҳәаақәа ирҭагӡаны, Аҟәатәи апарк аҿы апроект “Аекологиатә журналистика” аҳәаақәа ирҭагӡаны 10 ҧсаҵла еиҭаҳауп. Абри атәы аалыцҳауеит Аҧсны амассатә информациа ахархәагақәа русзуҩцәа Рассоциациа ахантәаҩы Изида Ҷаниа.

Изида Ҷаниа иҟалҵо адыррақәа рыла, апроект ахарџь ахахьы иагеит Европатәи атәылақәа Реидгылареи Еиду Амилаҭқәа Реиҿкаара аҿиара Апрограммеи (ПРООН). “Ҳара аекологиа ахьчара иазкны еиуеиҧшым аусмҩаҧгатәқәа еиҿаҳкаахьеит. Ажурналистцәа рзы атренингқәеи, апресс-конференциақәеи мҩаҧган”, –  ҳәа илҳәеит лара.



Изида Ҷаниа  апроект аусмҩатәқәа дрылацәажәеит: “Ари амчыбжь азы ҳара  Гал араиони Аҟәа ақалақьи рҿы иҟоу ашколқәа рҿы аҵарадырратә уасмҩаҧгатәқәа мҩаҧаагеит, апластик иаҵоу аҧырхага атәы рзеиҭаҳҳәеит, афильмқәеи афотосахьақәеи дырбара еиҿаҳкааит. Иахьа апроект ахыркәшамҭа аҳасабала, Аҟәатәи апарк аҿы акипарисқәа 10 еиҭаҳҳаит. Аҵиаақәа реиҭаҳатәқәа зегьы асертификатра рызуп. Ҳара аусмҩаҧгатә иалахәу аиллиустратор Анна Ломиа лҭыхымҭақәа рыла иҩычоу, аекологиатә материал иалху арҭмаҟқәа рзаҳшоит”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа