Ажәабжьқәа

Популярное

Ҭаҭарсҭантәи ажурналистцәа Аҧсны атуристтә потенциал азы адыррақәа роуит

387
26.09.2016 14:26
Ҭаҭарсҭантәи ажурналистцәа Аҧсны атуристтә потенциал азы адыррақәа роуит
Ҭаҭарсҭантәи аҧхьагылара змоу амассатә информациа ахархәагақәа рхаҭарнакцәа, ажурналистцәа рзы имҩаҧыргаз апресс-конференциаҿы Аҧсныҟа раара атәы еиҭарҳәеит.

Аҟәа. Цәыббрамза 26. Аҧсныпресс. Дырмит Басариа. Аҧсны Ахәаахәҭара-ааглыхратә палата ирынаҭаз ааҧхьарала, Ҭаҭарсҭантәи аҧхьагылара змоу амассатә информациа ахархәагақәеи, аусуратәии акультуратәии хеилакқәа рхаҭарнакцәеи Аҧсны иаҭааит. Аҧсны атуристтәи аекономикатәи апотенциал аилкаара – аҭаара хықәкы хаданы иҟалеит. Ҭаҭарсҭантәи аҧхьагылара змоу амассатә информациа хархәагақәеи аусуратәи акультуратәи хеилакқәеи рхаҭарнакцәа ажурналистцәа рзы имҩаҧыргаз апресс-конференциаҿы Аҧсныҟа рҭаара атәы еиҭарҳәеит.

Аделегациа анаҧхгаҩы, Ареспублика Ҭаҭарсҭан Ахәаахәҭра-ааглыхратә Палата ахаҭарнак Елена Агзамова иҟалҵаз адыррақәа рыла, агәыҧ алахәылацәа Ҭаҭарсҭан ахь ианыгьежьлак ашьҭахь, “Аҧсныҟа аныҟәара иазку азгәаҭақәа” ҳәа ахьӡ змоу ашәҟәы ҭрыжьраны иҟоуп”.

Аҧсны Ахәаахәҭра-ааглыхратә Палата апресс-маҵзура азанааҭдырҩы Елена Ҵышәба лажәақәа рыла, Ҭаҭарсҭанынтәи иааз асасцәа Аҧсны цәыббрамза 30 рҟынӡа иҟазаауеит. Аҭаара аҳәаақәа ирҭагӡаны Аҧсны аҳәынҭқарратә структурақәеи Аминистррақәеи рхаҭарнакцәа рҧыларақәеи, иара убас, Аҧсны анаплак дуқәа рҭаареи еиҿкаахоит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа