Ажәабжьқәа

Популярное

Ақалақь-фырхаҵа Ҭҟәарчал – 77 шықәса ахыҵуеит!

51
08.04.2019 12:23
Ақалақь-фырхаҵа Ҭҟәарчал – 77 шықәса ахыҵуеит!
Ақалақь-фырхаҵа Ҭҟәарчал 77 шықәса ахыҵра азгәаҭара аҽазыҟанаҵоит.

Аҟәа. Мшаҧымза 8. Аҧсныпресс. Мадина Чагәааҧҳа. Ақалақь-фырхаҵа Ҭҟәарчал 77 шықәса ахыҵра азгәаҭара иазку аныҳәатә усмҩаҧгатәқәа мҩаҧгахоит Мшаҧымза 9 рзы. Абри азы Аҧсныпресс ахь адырра ҟалҵеит Ҭҟәарчал араион Ахадара аинформациеи ауаажәларра рыҽрымадареи рзы аҟәша аиҳабы Илона Занҭариаҧҳа. 

Убас, Илона Занҭариаҧҳа иҟалҵаз адыррақәа рыла, ақалақь-фырхаҵа Ҭҟәарчал 77 шықәса ахыҵра азгәаҭара иазку аныҳәатә усмҩаҧгатәқәа мшаҧымза 9, асааҭ 13:00 рзы, Иу. Воронов ихьӡ зху абжьаратәи ашкол №2 аҿаҧхьа иҟоу Апарк аҿы афонтан аартрала ихацыркхоит. “Анаҩс, асааҭ 14:00 рзы, Ахьӡ-Аҧша апарк аҿы иҟоу амемориал амҵан ашәҭ шьыҵәрақәа рышьҭаҵара ацеремониа мҩаҧгахоит. Уи ашьҭахь, Д. Гәлиа ихьӡ зху араионтә культура Ахан аҿы иалагоит аныҳәатә усмҩаҧгатә. Араҟа иқәгылараны иҟоуп Адыгеиа жәлар рыкәашара Аҳәынҭқарратә академиатә ансамбль “Нальмес”. Аныҳәамш ахыркәшамҭаз ауаажәларра рныҟәареи ақалақьтә дискотекеи мҩаҧгахоит”, – ҳәа еиҭалҳәеит лара.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа