Ажәабжьқәа

Популярное

Аҟәа имҩаҧысыз акинофестиваль гран-при ранашьахеит Франциеи Косовеи рҟынтәи арежиссиорцәа рфильмқәа

39
09.04.2019 13:01
Аҟәа имҩаҧысыз акинофестиваль гран-при ранашьахеит Франциеи Косовеи рҟынтәи арежиссиорцәа рфильмқәа
Аҳҭнықалақь аҿы ихыркәшахеит II Аҟәатәи жәларбжьаратәи акинофестиваль SIFF 2019.

Аҟәа. Мшаҧымза 9. Аҧсныпресс. Дырмит Басариа. II Аҟәатәи жәларбжьаратәи акинофестиваль SIFF 2019 аҳамҭа хада (гран-при) Франциеи Косовеи рҟынтәи арежиссиорцәа рфильмқәа иранашьахеит. Абри атәы Аҧсныпресс ахь адырра ҟалҵеит акинофестиваль апродиусер Занда Какалиа.

“Акинофестиваль аӡбаҩцәа Море Рака икиносахьеи “AJO”, Тома Скои икиносахьеи “Месье Эндерсен” рыбжьара еиҕьу рзалымкааит. Убри аҟнытә 300 нызықь мааҭ рҟынӡа инаӡоз гран-при  ҩыџьа-акандидатцәа рыбжьара аихшара азы аӡбамҭа рыдыркылеит. Акинофестиваль алахәылацәа рҟынтәи ахцәажәара бзиақәа ҳауит. Асасцәа агәалаҟазаареи, Аҧсназы агәаанагара бзиеи, арежиссиорцәа, мамзаргьы атуристцәа раҳасабала ҩаҧхьа арахь ааразы агәазыҳәареи  рыманы ихынҳәит”, – ҳәа еиҭалҳәеит лара.

II Аҟәатәи жәларбжьаратәи акинофестиваль аҿы аиааира аиааиреи аҧхьахәқәеи ргеит:
– Гран-при (аҧаратә ҳамҭа 150 000 мааҭ): акиносахьа “AJO” арежиссиор Море Рак (Косово);
– Гран-при (аҧаратә ҳамҭа 150 000 мааҭ): акиносахьа “Monsieur Henderson”, арежиссиор Том Скои (Франциа);
– III апремиа (аҧаратә ҳамҭа 50 000 мааҭ): акиносахьа “Белым по черному”, арежиссиор Антон Мамыкин (Урыстәыла);
– Иреиҕьу арежиссура – акиносахьа “Путешествие в Париж”, арежиссиор Мариа Полиакова (Урыстәыла);
– Иреиҕьу аоператортә усура – акиносахьа “The Vine”, арежиссиорцәа Игорь Маровичи Иван Джуровичи (Сербиа);
– Иреиҕьу асценари – акиносахьа “Экстрим”, асценарист Андреи Каштанов, арежиссиор Андреи Берченко (Урыстәыла);
– Иреиҕьу аҧҳәыс лроль – Лучиа Диез, акиносахьа “Rag Girl” аҿы, арежиссиор Роберто Монтальдо (Испаниа);
– Иреиҕьу ахаҵа ироль – Фабио Риззуто акиносахьа “Windmills” аҿы, арежиссиор Симон Спмпинато (Италиа);
– Ахәаҧшцәа ргәазыбылра азы аҳамҭа – акиносахьа “Франка”, арежиссиор Митри Семионов-Алеиников (Белоруссиа).

Афестиваль мшаҧымза 4-8 рзы Аҧсны имҩаҧысуан. Апрограмма зметраж маҷу,10-30 минуҭ ирҭагӡо акиносахьақәа рыла ишьақәгылан. Аконкурсттә программа ахь инаган Аҧсны, Урыстәыла, Европа атәылақәа, АаигәатәиМрагылара, Аҩадатәи Африка рҟынтәи 30 инарзынаҧшуа зметраж маҷу акиносахьақәа.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа