Ажәабжьқәа

Популярное

Аҟәа ақалақь Ахьӡ-Аҧша апарк аҿы хабарда ибжьаӡыз ҳаҭырла иргәалашәеит

581
30.08.2019 13:12
Аҟәа ақалақь Ахьӡ-Аҧша апарк аҿы хабарда ибжьаӡыз ҳаҭырла иргәалашәеит
Аҧсны иазгәарҭоит хабарда ибжьаӡыз ргәалашәара Жәларбжьаратәи Амш.

Аҟәа. Нанҳәамза 30. Аҧсныпресс. Аҧсны Аџьынџьтәылатәи еибашьраан хабарда ибжьаӡыз рыуацәеи рҭахцәеи, атәыла Анаҧхгара, “Аҧсны анацәа аҭынчреи асоциалтә иашареи рзы” Ахеилак, Аҧсны иҟоу Жәларбжьаратәи Аџьар Ҟаҧшь Акомитет ахаҭарнакцәа,  Аҟәа ақалақь Ахьӡ-Аҧша апарк аҿы иҟоу Аҧсны ажәлар рџьынџьтәылатәи еибашьра аҿы иҭахаз Рмемориал амҵан ашәҭ шьыҵәрақәа шьҭарҵеит.

Жәларбжьаратәи Аџьар Ҟаҧшь Акомитет иҟанаҵо адыррақәа рыла, аибашьраан Аҧсны хабарда ибжьаӡит 2 200-ҩык инареиҳаны.

2010 шықәса рзы хабарда ибжьаӡыз рыҧшаара иазкны аусура хацыркын. Фы-шықәса ирылагӡаны Аҧсны иҟоу Жәларбжьаратәи Аџьар Ҟаҧшь Акомитет аусура иалҵшәаны, 129 ҭыҧ рҿы аҧсыбаҩ анышә аҵха мҩаҧган, иҧшаан 431 хабарда ибжьаӡыз рыҧсыбаҩ, урҭ рахьынтә 163 – рхаҭара шьақәыргылоуп. Убри аан ақырҭуа ган иаҭоуп 122-ҩык хабарда ибжьаӡыз рыҧсыбаҩ. Рхаҭара шьақәыргыламкәа иаанханы иҟоуп  268-ҩык рыҧсыбаҩ, Аҧсны иқәынхо 127 ҭаацәара иахьа-уажәраанӡа ирыздырӡом ирзааигәоу ауаа лахьынҵас ироуз.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа