Ажәабжьқәа

Популярное

Аҟәа ақалақь Ахьӡ-Аҧша апарк аҿы Аҧсны Аџьынџьтәылатәи еибашьра аҿы иҭахаз Рмемориал амҵан ашәҭ шьыҵәрақәа рышьҭаҵара ацеремониа мҩаҧысит

431
27.09.2016 11:54
Аҟәа ақалақь Ахьӡ-Аҧша апарк аҿы Аҧсны Аџьынџьтәылатәи еибашьра аҿы иҭахаз Рмемориал амҵан ашәҭ шьыҵәрақәа рышьҭаҵара ацеремониа мҩаҧысит
Аҧсны Аҳҭнықалақь Аҟәа ахы ақәиҭтәра 23-шықәса ахыҵра Амш аҽны Аҧсны атәылауаа ахақәиҭра азгаз аибашьцәа афырхацәа ргәаладыршәеит.

Аҟәа. Цәыббрамза 27. Аҧсныпресс. Ирена Џьопуаҧҳа. Аҧсны Аҳҭнықалақь Аҟәа ахы ақәиҭра 23-шықәса ахыҵра Амш аҽны Ахьӡ-Аҧша апарк аҿы Аҧсны Аџьынџьтәылатәи еибашьра аҿы иҭахаз Рмемориал амҵан ашәҭ шьыҵәрақәа рышьҭаҵара ацеремониа рхы аладырхәит Аҳәынҭқарра Ахада Рауль Ҳаџьымба, Аџьынџьтәылатәи еибашьра аветеранцәа, атәыла Анапҧхгара ахаҭарнакцәа, аҧыза-министр Беслан Барцыц, Жәлар Реизара-Апарламент адепутатцәа, Аҟәа ақалақь ахада Адгәыр Ҳаразиа, амчратә структурақәеи ауаажәларратә еиҿкаарақәеи рхаҭарнакцәа, ақалақь ауааҧсыра.

Аҳәынҭқарра Ахада Рауль Ҳаџьымба Аҧсны жәлар зегьы аҳҭнықалақь ахы ақәиҭра Амшныҳәа рыдиныҳәалеит: “Ҳаҳҭнықалақь ахақәиҭтәра амш ҳаҧсҭазаараҿы зегьы реиҳа ихадоу мшны иҟазар ҟалап”, - ҳәа иҳәеит Аҳәынҭқарра Ахада.


(АП): Цәыббрамза 27, 1993 шықәса рзы аҧсуа ар, аҕа иҿагылара ҕәҕәа ириааины Қырҭтәылатәи ампыҵахалыҩцәа рҟынтәи аҧсны аҳҭнықалақь Аҟәа ахы иақәиҭыртәит.

Аҧсны Аҳәынҭқарра аҳҭнықалақь Аҟәа ахы ақәиҭтәра иазкыз арратә операциа 11 мшы имҩаҧысуан. Уи наҧхгара арҭон атәылахьчара аминистр, аинрал-маиор Сулҭан Сасналиеви Аҧсны Арбџьармчқәа Рыштаб Хада аиҳабы, аинрал-маиор Сергеи Дбар.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа