Ажәабжьқәа

Популярное

Аҟәа ақалақь Аџьынџьтәылатәи еибашьра аҿы иҭахаз афырхацәа ҳаҭырла иргәаладыршәеит

636
30.09.2016 12:30
Аҟәа ақалақь Аџьынџьтәылатәи еибашьра аҿы иҭахаз афырхацәа ҳаҭырла иргәаладыршәеит
Ахьӡ-Аҧша апарк аҿы ишьақәыргылоу иҭахаз афырхацәа Рмемориал амҵан ашәҭ шьыҵәрақәа шьҭарҵеит.

Аҟәа. Цәыббрамза 30. Аҧсныпресс. Ирена Џьопуаҧҳа. Аҧсны аныҳәақәа иреиҳау аныҳәақәа иреиуоу - Аиааира Амш аҽны Ахьӡ-Аҧша апарк аҿы ишьақәыргылоу иҭахаз афырхацәа Рмемориал ахь инеит Аҧсны Ахада Рауль Ҳаџьымба, аҧыза-министр Беслан Барцыц, Жәлар Реизара-Апарламент аиҳабы Валери Бганба, Аҧсны иҟоу Урыстәылатәи Афедерациа Аҷыдалкаатә Зинмчы змоу Ацҳаражәҳәаҩ Семион Григориев, аибашьра аветеранцәа, хатәгәаҧхарала Нхыҵ-Кавкази Аладатәи Урыстәылеи рҟынтәи иааны Аҧсны жәлар ирывагыланы еибашьуаз аветеранцәа, Аахыҵ Уаҧстәылеи Ареспублика Науру аҟынтәи аделлегациақәа, иҭахаз аибашьцәа рыуацәа, ауаажәларра рхаҭарнакцәа, Аҧсны ауааҧсыра.

Аџьынџьтәылатә еибашьра аветеранцәа, Аҧсны амшынтә флот раҧхьаӡатәи аҧҵаҩцәа иреиуоу, аҧшаҳәатә хьчара акомандаҟаҵаҩ, Леон иорден занашьоу Кәыҷкан Еныкь Аҧсныпресс акорреспондент диҿцәажәо Аҧсны ажәлар аныҳәа рыдиныҳәалеит, аҭынчреи аҭышәынтәалареи рзеиҕьаишьеит. “Аҧсны атәылауаа аҧеиҧш лаша роуроуп. Аҧсны амыҟәмабарақәа рацәаны иахнагеит, аха убри аан ахьыҧшымра аиуит. Арии аҩыза зылшо ажәларқәа маҷуп”, - ҳәа азгәеиҭеит Кәыҷкан Еныкь.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа