Ажәабжьқәа

Аҟәа ақалақь аҿы зинда ишьақәыргылаз 11 ахәаахәҭратә обиектқәа рықәгара мҩаҧысит

977
19.04.2018 13:14
Аҟәа ақалақь аҿы зинда ишьақәыргылаз 11 ахәаахәҭратә обиектқәа рықәгара мҩаҧысит
Аҳҭнықалақь Ахадара аусзуҩцәа, ақалақь агәаҿы иҟоу, аус зымуа, игәыгәҭажьу аҿхышәқәа рықәгара иалагеит.

Аҟәа. Мшаҧымза 19. Аҧсныпресс. Акурорттә аамҭахәҭа аламҭалазы, Аҟәа ақалақь ахада Адгәыр Ҳаразиа иҟаиҵаз адҵа инақәыршәаны, ақалақь агәаҿы зинда ишьақәыргылаз, мамзаргьы аус зымуа, игәыгәҭажьны иҟоу аҿхышәқәа рықәгаразы Ақәҵара рыдыркылеит. Абри азы адырра ҟанаҵоит Аҟәа ақалақь Ахадара аофициалтә саит.

Аацҳамҭа излаанацҳауа ала, архитектуреи адгьылеиқәыршәареи Русбарҭа Турбаза аҳабла инаркны аџьармыкьа Хада аҟынӡа иҟоу 11 обиект рсиа еиқәнаршәеит.

Аусурақәа рымҩаҧысшьа гәалҭон ақалақь ахада ихаҭыҧуаҩ Леила Ӡыба. Уи иҟалҵаз адыррақәа рыла, иқәгахо аҿхышәқәа зтәу зегьы иарбоу аусмҩаҧгатә азы заанаҵы ргәырҽанҵан.

“Иқәгахо аҿхышәқәа ҩымз ирылагӡаны Аҟәа ақалақь Ахадара Иҷыдоу автонхамҩа аҿы ишьҭаҵахоит. Урҭ зтәу адҵаалар, аобиект ақәгареи аиҭагареи рзы ахараҧса дыршәахоит. Ус акәымкәа, иарбоу аамҭа иалагӡаны аӡәгьы дадымҵаалар, аобиект аутилизациа азухоит”, – ҳәа еиҭалҳәеит Леила Ӡыба.

Убри аан, Леила Ӡыба 11 ҿхышә рықәгара, – ари раҧхьатәи шьаҿоуп ахәаахәҭратә обектқәа рҭеиҭыҧ арҽеира иазырхоу аусура аҿы ҳәа иазгәалҭеит. Архитектура Аусбарҭа ақалақь аҿы аус зуа аҿхышәқәа зегьы ирзеиҧшу аконцепциа аднакылараны иҟоуп. Урҭ рыхәҧса ҳаракцәамзароуп, аха убри аан иҧшӡазароуп, ақалақь ахаҿы иаҧырхагамзароуп.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа