Ажәабжьқәа

Аҟәа ақалақь аҿы урыстәылатәи ақыҭанхамҩатә техника ацәыргақәҵа аиҿкаара азҧхьагәаҭоуп

195
12.05.2017 11:25
Аҟәа ақалақь аҿы урыстәылатәи ақыҭанхамҩатә техника ацәыргақәҵа аиҿкаара азҧхьагәаҭоуп
Аҧсны иҟоу Урыстәылатәи Афедерациа ахәаахәҭратә Хаҭарнак Владимир Некрасов Аҧсны Аҳәынҭқарра ақыҭанхамҩа аминистр Даур Ҭарба диҧылеит.

Аҟәа. Лаҵарамза 12. Аҧсныпресс. Аҧсны ақыҭанхамҩа Аминистрра аҿы Аҧсны иҟоу Урыстәылатәи Афедерациа ахәаахәҭратә Хаҭарнак Владимир Некрасови Аҧсны ақыҭанхамҩа аминистр Даур Ҭарбеи реиҧылара мҩаҧысит.

Аиҧылара аҿы аҧсуа-аурыс ахәаахәҭра-економикатә усеицура иадҳәалоу азҵаарақәа жәпакы ирылацәажәеит.

Аҧсны ақыҭанхамҩа Аминистрра ақыҭанхамҩатә техникалеи амаругалеи реиқәыршәара инамаданы ахатәы сектор аҿы иҟоу аҭаххрақәа рзы Аҧсны иҟоу Урыстәылатәи Афедерациа ахәаахәҭратә Хаҭарнакра аинформациа ала аиқәыршәара азы аиқәшаҳаҭра бжьаҵан.

Ахәҭакахьала ишеилкаахаз ала, иарбоу аинформациа аиура ашьҭахь, Аҧсны иҟоу Урыстәылатәи Афедерациа ахәаахәҭратә Хаҭарнакра ақыҭанхамҩатә техника урыстәылатәи аҭыжьыҩцәа Аҟәа ақалақь аҿы есымша аус зуа ақыҭанхамҩатә техникеи егьырҭ, ақыҭанхамҩа иадҳәалоу атауарқәеи рцәыргақәҵа аиҿкаара азы рылаӡара иазыхиоуп.

Иара убас, аиҧылара аҿы Аҧсни Урыстәылеи рыбжьара ахәаахәҭра-економикатә еизыҟазаашьақәа аринахыстәи рыҿиара иадҳәалоу егьырҭ азҵаарақәагьы маҷымкәа ирылацәажәеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа