Ажәабжьқәа

Популярное

Аҟәа ақалақь аҿы Сергеи Багаҧшь игәалашәара иазкны амҵәышәмпыл азы IX жәларбжьаратәи атурнир аартра ацеремониа мҩаҧысит

163
03.07.2019 12:43
Аҟәа ақалақь аҿы Сергеи Багаҧшь игәалашәара иазкны амҵәышәмпыл азы IX жәларбжьаратәи атурнир аартра ацеремониа мҩаҧысит
Аусмҩаҧгатә ихы алаирхәит атәыла аҧыза-министр Валери Бганба.

Аҟәа. Ҧхынгәымза 3. Аҧсныпресс. Ҧхынгәымза 2 рзы  Аҟәа ақалақь аҿы Аҧсны амҵәышәмпыл Афедерациа Актәи Апрезидент Сергеи Багаҧшь игәалашәара иазкны, ахацәа рыбжьара амҵәышәмпыл азы IX жәларбжьаратәи атурнир аартра ацеремониа мҩаҧысит.

Аусмҩаҧгатә ихы алаирхәит атәыла аҧыза-министр Валери Бганба. Абри атәы аанацҳауеит Аҧсны Аҳәынҭқарра Анапхгара аофициалтә саит.

Атурнир иалахәхоит 8 командак: Аҟәа-Аҧсны, “Эльбрус” – Черкесск ақалақь, “Родина” – Волгоград ақалақь, “Славянск-на-Кубани”, Донецктәи Жәлартә Республика (ДЖәР) еизгоу акоманда, “ДФДК” – Докучаевск ақалақь, “Беслан” – Нхыҵ Уаҧстәыла-Аланиа,“Старко” – ақалақь Шахты.

Атурнир аартуа, Аҧсны Аҳәынҭқарра абҩарҵәыреи аспорти рзы аҳәынҭқарратә Еилакы ахантәаҩы Баграт Хәытаба, ари аусмҩаҧгатә – жәларбжьаратәи аформат змоу иналукааша аспорттә хҭысуп ҳәа иазгәеиҭеит. Уи иара убас, атурнир зҽалазырхәо акомандақәа рхыҧхьаӡара ессаира еизҳауеит ҳәа иазгәеиҭеит.


(АП): Аҧсны амҵәышәмпыл Афедерациа Актәи Апрезидент Сергеи Багаҧшь игәалашәара иазкны, ахацәа рыбжьара амҵәышәмпыл азы жәларбжьаратәи атурнир Аҧсны абҩарҵәыреи аспорти рзы аҳәынҭқарратә Еилаки, Аҟәа ақалақь Ахадара иҟанаҵо адгыларала Аҧсны амҵәышәмпыл Афедерациеи, амобилтә еимадара аилазаара “А-Мобаил”, иара убас Сергеи Уасил-иҧа Багаҧшь ихьӡ зху афонди рыла еиҿкаауп.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа