Ажәабжьқәа
08.08.2018 22:46 124

Популярное

Аҟәа ақалақь аҿы Иури Воронов ҳаҭырла дыргәаладыршәеит

513
08.05.2018 12:56
Аҟәа ақалақь аҿы Иури Воронов ҳаҭырла дыргәаладыршәеит
Иахьа, еицырдыруа аҵарауаҩ-кавказҭҵааҩ ду, Аҧсны иналукааша аҳәынҭқарратә усзуҩы Иури Воронов иҧсы ҭазҭгьы, 77шықәса ихыҵуан.

Аҟәа. Лаҵарамза 8. Аҧсныпресс. Дамеи Касланӡиа. Аҧсны Аҳәынҭқарра Ахада Рауль Ҳаџьымба, Аҧсны Жәлар Реизара – Апарламент аиҳабы Валери Кәарҷиа, атәыла аҧыза-министр Геннади Гагәылиа, иара убас, аҵарауаа, ауаажәларратәи аполитикатә усзуҩцәа, ашколхәыҷқәа, ауаажәларра ахаҭарнакцәа, Аҟәа ақалақь, Аҧснытәи аҳәынҭқарратә музеи ашҭаҿы иҟоу еицырдыруа аҵарауаҩ-кавказҭҵааҩ ду, Аҧсны иналукааша аҳәынҭқарратәи ауаажәларратәи аусзуҩы Иури Воронов иҧсыжырҭаҟны ашәҭ шьыҵрақәа шьҭарҵеит.

Д. И. Гәлиа ихьӡ зху агуманитартә ҭҵаарақәа Ринститут аиҳабы Арда Ашәба иазгәеиҭеит: “Зегьы раҧхьаӡа иргыланы, Иури Николаи-иҧа Воронов- иналукааша аҵарауаҩ ду, археолог  иоуп. Аха уи аҭоурых аҿы еицырдыруа политикны, ҧызаны даанхеит. Ҳара аамҭа цәгьа ҳанҭагылаз, аибашьра анцоз, уи атәылеи ауаажәларреи ринтересқәа ихьчон. Захьынџьара, аудиториақәа зегьы рҿы уи аҭоурых амаӡақәа ааиртуан, Аҧсны имҩаҧысуа ахҭысқәа рзы аиаша иаартны дрылацәажәон. Иури Воронов Ҳаҧсадгьыл иҿыцӡоу аҭоурых азы илиршаз ахә ашьара уадаҩуп”.


(АП): Археолог кавказҭҵааҩы Иури Воронов диит лаҵарамза 8,1941шықәса, Ҵабал ақыҭан.

1991 шықәса рзы Аҧсны Иреиҳаӡоу Асовет адепутатс далхын.

Ҧхынҷкәынмза,1992 шықәса инаркны ҧхынҷкәынмза 1993 шықәсанӡа уи ауаҩы изинқәеи амилаҭбжьаратәи аизыҟазаашьақәеи рзы Иреиҳаӡоу Асовет акомиссиа наҧхгара аиҭон.

1993 шықәса рзы Иури Воронов Аҧсны аминистрцәа Рхеилак ахантәаҩы ихантәаҩыс дҟаҵан, 1995 шықәса рзы – аҧыза-министр ихаҭыҧуаҩыс.

Иури Воронов – 30 монографиақәа злоу, 500 инарзынаҧшуа анаукатә усумҭақәа дравторуп.

Иури Воронов дыршьит цәыббрамза 1995 шықәсазы, Аҟәа ақалақь инхарҭа ҭыҧ азааигәара.

Анышә дамадоуп Аҧснытәи аҳәынҭқарратә музеи ашҭаҿы. Аҳҭнықалақь агәы иалсны ицо амҩадуқәа руак Иури Воронов ихьӡ ахуп.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа