Ажәабжьқәа

Аҟәа ақалақь аҿы имҩаҧгаз анапылампыл азы атурнир аҿы Донецктәи акоманда актәи аҭыҧ ааннакылеит

589
03.10.2016 14:10
Аҟәа ақалақь аҿы имҩаҧгаз анапылампыл азы атурнир аҿы Донецктәи акоманда актәи аҭыҧ ааннакылеит
Атурнир 1992-1993 шш. рзы Аҧсны Аџьынџьтәылатәи еибашьраҿы Аиааира агара Амшныҳәа азгәаҭара аҳаҭыр азы имҩаҧган.

Аҟәа. Жьҭаара 3. Дамеи Касланӡиа. Аҟәа ақалақь аҿы 2002-2003 шықәса рзы ииз аҭыҧҳацәа рыбжьара анапылампыл азы Х жәларбжьаратәи атурнир хыркәшахеит. Уи Аҟәа Ахадара аҿари аспорти рзызҵаарақәа рзы Аилак ала еиҿкаан. Аицлабрақәа 6 мшы имҩаҧысуан, урҭ ирылахәын Урыстәылеи Украинеи Аҧсни рҟынтәи 12 команда.

Аицлабрақәа рыӡбаҩ хада Олег Лакрба Аҧсныпресс акорреспондент диҿцәажәо атурнир алҵшәақәа ртәы еиҭеиҳәеит: “Атурнир даара аинтерес аҵан. Гагра, Гәдоуҭа, иара убас Аҟәантәи ҩ-командак Аҧсны ахьӡала иқәгылон. Иара убас аицлабрақәа ирылахәын Нижни Новгород, Липецк, Донецк, Шахты, Никлиновски раион, Ростовтәи область уҳәа рҟынтәи аспортсменцәа қәыҧшцәа.

Олег Лакрба иазгәеиҭеит: “Аматчқәа зегьы дара ртәала ибзиан. Аицлабрақәа рылахәхаразы иааит даара иҕәҕәоу акомандақәа. Афинал ахь ицәырҵит “ Сухум–1”. Ари акоманда “Гәдоуҭа” акоманда иаиааит, иара убас, уаанӡа акоманда ”Шахта” иаиааиз агәыҧ “Донецкгьы” рышьҭахьҟа иаанрыжьит. Аматч аҿы актәи аҭыҧ аанакылеит. Акоманда “Сухум–1” асасцәа ркоманда иаҵахеит. Аҩбатәи аҭыҧ аанакылеит. Ахҧатәи аҭыҧ аанакылеит акоманда “Гәдоуҭа”, аҧшьбатәи–Шахта”.

Ахәҭакахьала, акоманда “Сухум-1” акапдан Сариа Касланӡиаҧҳа лажәақәа рыла,акоманда азы акоманда “Донецк” ацыхәмарра, – зегь реиҳа иуадаҩыз хәмаррахеит. “Аха ҳара ҳгәы каҳажьуам, иааиуа аицлабрақәа еиҳа еиҕьны ҳҽарзыҟаҳҵоит”, - ҳәа лҳәеит аспортсменка қәыҧш.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа