Ажәабжьқәа

Популярное

Аҟәа ақалақь аҿы Баграт Шьынқәба диижьҭеи 100-шықәса аҵра иазку астол гьежь аатит

183
11.05.2017 12:51
Аҟәа ақалақь аҿы Баграт Шьынқәба диижьҭеи 100-шықәса аҵра иазку астол гьежь аатит
Астол гьежь аусура зхы алазырхәыз ашәҟәыҩҩцәа, апоетцәа, аҵарауаа, иара убас Владикавказ, Нальчик, Пиатигорск, Махачкала, Ставрополь, Грозныи, Москва ақалақьқәа рҟынтәи иааз асасцәеи Баграт Шьынқәба ирҿиаратә ҭынха ахәдура иалацәажәеит.

Аҟәа. Лаҵарамза 11. Аҧсныпресс. Дамеи Касланӡиа. Аҧснытәи Аҭҵаарадырратә Институт аҿы Д.И.Гәлиа ихьӡ зху аҳәынҭқарратә премиа занашьоу Ҟабарда-Балкариеи Адыгеиеи жәлар рышәҟәыҩҩы, “Ахьӡ-Аҧша” аорден актәи аҩаӡара акавалер, Аҧснытәи Аҭҵаарадырратә Академиа академик Баграт Уасил-иҧа Шьынқәба диижьҭеи 100-шықәса аҵра иазку астол гьежь аатит.

Астол гьежь аусура зхы алазырхәыз ашәҟәыҩҩцәа, апоетцәа, аҵарауаа, иара убас Владикавказ, Нальчик, Пиатигорск, Махачкала, Ставрополь, Грозныи, Москва ақалақьқәа рҟынтәи иааз асасцәеи Баграт Шьынқәба ирҿиаратә ҭынха ахәдура иалацәажәеит.

Аусмҩаҧгатә аартуа, Д.И.Гәлиа ихьӡ зху Аҧснытәи агуманитартә ҭҵаарадыррақәа Ринститут анаҧхгаҩы Арда Ашәба иазгәеиҭеит: “аҧсуа литература иналукааша аклассик, итәыла аҿы еиҧш уи анҭыҵгьы деицырдыруеит. Иахьа ҳара ари ауаҩ ду ҳаҭырла даҳгәалаҳаршәоит. Баграт Шьынқәба алитература ажанрқәа зегьы зеиҕьаҟам ала дрызҟазан, уи икалам иҵыҵыз ашедеврқәа рҕьырак ашәақәа рылхын. Урҭ ажәлар ирылаҵәеит. Аҧсуа литература аҿы иҿыцу ажанр -жәеинраалала ишьақәгылоу ароман ацәырҵра уи ихьӡ иузаҟәымҭхо иадҳәалоуп”.

Аҵареи аҭҵаареи акультуреи рзы Аҳәынҭқарра Ахада иабжьгаҩ Владимир Занҭариа Аҧсны Ахада иҟынтәи аныҳәатә усмҩаҧгатә алахәылацәа рахь адныҳәаларатә шәҟәы даҧхьеит: “Иналукааша аҧсуа шәҟәыҩҩы, апоет, апрозаик, апублицист Баграт Уасил-иҧа Шьынқәба аҧсуа литература аҿиареи амилаҭтә-сахьаркыратә -философиатә хшыҩҵак аҳәаақәа рырҭбаареи рҿы акырӡа ихадоу ароль наигӡеит. Иахьа ҳтәыла аҿы имҩаҧысуа ашәҟәыҩҩы иҩымҭақәа раҧхьара иадҳәалоу аусмҩаҧгатәқәа алитературеи аҟазареи знапы алаку иҿыцу агәазҭазаара шрынаҭо, насгьы доуҳала еизааигәоу ажәларқәа традициала ишьақәгылахьоу ркултуратә еимадара аҳәаақәа шарҭбаауа агәра ганы сыҟоуп. Д.И.Гәлиа ихьӡ зху агуманитартә ҭҵаарақәа Ринститут аҿы имҩаҧысраны иҟоу адискусиа ганрацәала еилоу Баграт Шьынқәба ирҿиаратә ҟазара иҿыцу блала ахәаҧшра азы алшара аҧнаҵоит. Уи Аҧсны ,Урыстәыла, Кавказ зегьы жәытә-натә аахыс еидызкыло, иаку акультуратә-информациатә ҵакыра аиҭашьақәыргылара аҿы ицхыраагӡа дуны иҟалоит.

Баграт Шьынқәба дуӡӡа акы иаламҩашьо иҟыбаҩ , ҧсра зқәым уи исахьаркыратә ҧҵамҭақәа еиҳа инарҵауланы аҭҵаареи, ганрацәала ахәаҧшреи алыршазааит!”



Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа