Ажәабжьқәа

Популярное

Аҟәа ақалақь аҿы аурыс шашкақәа рзы аҧхынтәи ахәмаррақәа рҿы аиааира згаз рыхьзқәа еилкаахеит

241
31.07.2019 12:27
Аҟәа ақалақь аҿы аурыс шашкақәа рзы аҧхынтәи ахәмаррақәа рҿы аиааира згаз рыхьзқәа еилкаахеит
Аспорттә усмҩаҧгатә рхы аладырхәит 50-ҩык инареиҳаны.

Аҟәа. Ҧхынгәымза 31. Аҧсныпресс. Аҧсны аҳҭнықалақь, Амҳаџьыраа рыҧшаҳәа аҿы, Аҟәа ақалақь Ахадара аҿари аспорти рызҵаарақәа рзы Аилак есышықәсатәи аспорттә усмҩаҧгатә “Аурыс шашкақәа рзы аҧхынтәи ахәмаррақәа” мҩаҧнагеит. Аусмҩаҧгатә рхы аладырхәит 50-ҩык инареиҳаны – иарбоу аспорттә хкы абзиабаҩцәа реиҧш, апрофессионалцәагьы.

Ахәмарыҩцәа акатегориақәа рыла еихшан:

Ахацәа, арҧарцәа, аҷкәынцәа:
ари акатегориа аҿы аҧхьахәтә ҭыҧқәа абас ала еихшахеит: 
1-тәи аҭыҧ – Артиом Фокин, Ҭемыр Габуниа, Инал Адлеиба;
2-тәи аҭыҧ – Ҭемыр Зыхәба, Богдан Турков, Сардор Химматов; 
3-тәи аҭыҧ – Виачеслав Хороших, Баҭал Ешба, Алиас Касланӡиа, Емиль Зыхәба, Алексеи Бондарь, Артиом Бондарь, Константин Паньшин, Давид Шанаа, Аслан Амҷба. 

Аҳәса, аҭыҧҳацәа, аӡҕабцәа: 

1-тәи аҭыҧ – Лолита Назарс, Лолита Хмаил, Илианна Иванова, Иалса Зыхәба; 
2-тәи аҭыҧ – Шахзода Санакулова, Викториа Туркова, Валериа Аҩӡба; 
3-тәи аҭыҧ – Кама Ҳараниа. 

Алахәылацәа зегьы аҳамҭақәа рыла иалкаахеит, аиааира згази аҧхьахәгаҩцәеи – амедалқәа ранашьахеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа