Ажәабжьқәа

Популярное

Аҟәа ақалақь аҿы асистема “Ишәарҭадоу ақалақь” аӡыргара мҩаҧысит

265
02.07.2018 10:53
Аҟәа ақалақь аҿы асистема “Ишәарҭадоу ақалақь” аӡыргара мҩаҧысит
Аусмҩаҧгатә рхы аладырхәит атәыла аҩныҵҟатәи аусқәа Рминистрра, иҷыдоу аҭагылазаашьақәа рзы Аминистрра, аҳәынҭқарратә шәарҭадара Амаҵзура, агәабзиарахьчра Аминистрра ахаҭарнакцәа.

Аҟәа. Ҧхынгәымза 2. Аҧсныпресс. Дырмит Басариа. Иаку аинформациа-технологиатә ҵакыра асистема “Ишәарҭадоу ақалақь” Аҟәа ақалақь аҿы аӡыргара мҩаҧыргеит Анаука-техникатә Центр (НТЦ) “Протеи” ахаҭарнакцәа. Аусмҩаҧгатә рхы аладырхәит атәыла аҩныҵҟатәи аусқәа Рминистрра, иҷыдоу аҭагылазаашьақәа рзы Аминистрра, аҳәынҭқарратә шәарҭадара Амаҵзура, агәабзиарахьчра Аминистрра анаҧхгаҩцәа. 

Анаука -техникатә Центр (НТЦ) “Протеи” аҭирақәа рыҟәша аиҳабы Роман Потишныи иажәақәа рыла, “Ишәарҭадоу ақалақь” – ари ақалақь ашәарҭадара азеиҧш ҩаӡара аизырҳареи, амаҵзурақәеи амчрақәеи русура акоординациа аиҕьтәреи, иҟалар зылшо ашәарҭара аҧырҟәҟәаареи азҧхьагәаҭареи, иара убас, иҷыдоу аҭагылазаашьақәеи азинеилагарақәеи рыхҟьаҧҟьақәа ахылаҧшра аҭареи арҽеиреи, еиуеиҧшым амаҵзурақәеи аусбарҭақәеи ринформациа-наҧхгараҭаратә системақәа иаку аинформациатә ҵакыраны рышьақәгылара, уҳәа иазку, иаку аинформациа-технологиатә ҵакыра асистема ауп.

Убри аан, Роман Потишныи абас еиҧш алкаа ҟаиҵеит: “Ари асистема еизаку атехнологиатәи аинформациатәи ахархәагақәа рыбзоурала аус ауеит. Урҭ рхыҧхьаӡараҿы иҟоуп: ақалақьтә видеохылаҧшра, аоперативтә ҵакы змоу, иаку адиспетчертә центр, ауааҧсыра иаарласӡаны адырра рыларҵәара иазырхоу акомплекстә система, аобиектқәа рвидеохылаҧшра, абылрацәыхьчаратә дырраҭара. Иҷыдоу аҭагылазаашьақәа зегьы рзы адыррақәа, урҭ аус рыдулара азы иаҧҵоу иаку ацентр ахь инеиуеит. Уи автоматла ахҭысқәа класификациала еихшаны, урҭ аҭыҧ ақәҵара азы абжьгарақәа еиқәнаршәоит. “Ишәарҭадоу ақалақь” иҷыдоу аҭагылазаашьа азхьаҧшреи агәаҭареи ирыдҳәалоу апроцесс акыр иарцаккуеит, уимоу, аҧырҟәҟәаарагьы ианацхраауагьы маҷӡам”. 

Иарбоу апроект Аҧсны азы иаҵоу аҵакы дазааҭгыло, Аҧсны иҷыдоу аҭагылазаашьақәа рзы аминистр Лев Кәыҵниа иҳәеит: “Асистема “Ишәарҭадоу ақалақь” Аҧсны азы даара хра злоу усны иҟоуп, избан акәзар, ҳара ҳамчратә структурақәа Аҧсны ауааҧсыра ршәарҭадара мацара акәӡам ахылаҧшра зырҭо, урҭ хыҧхьаӡара рацәала ҳтәыла иаҭаауа атуристцәа ршәарҭадара азыҳәангьы аҭакҧхықәра нарыгӡар ахәҭоуп. Ауаа ршәарҭадара иадҳәалоу азҵаарақәа зегьы раҧхьаӡа иргыланы агәаҽанызаареи, еимгаеимцарак ала ақәҿыҭреи роуп изыдҳәалоу. Убри иазкуп ҳазлацәажәо асистемагьы".

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа