Ажәабжьқәа

Популярное

Аҟәа Ақалақь аҿы археолог кавказҭҵааҩы Иури Воронов ҳаҭырла дыргәаладыршәеит

68
08.05.2019 11:54
Аҟәа Ақалақь аҿы археолог кавказҭҵааҩы Иури Воронов ҳаҭырла дыргәаладыршәеит
Иналукааша аҵарауаҩ Иури Николаи-иҧа Воронов диижьҭеи 78-шықәса аҵра амш аҽны уи инышәынҭра аҿы ашәҭ шьыҵәрақәа рышьҭаҵара иазкыз ацеремони мҩаҧысит.

Аҟәа. Лаҵарамза 8. Аҧсныпресс. Аҧсны иналукааша аҵарауаҩ, ауаажәларратә усзуҩ ҳаҭырла дыргәаладыршәарц иааит Аҳәынҭқарра Ахада Рауль Ҳаџьымба, аҧыза-министр Валери Бганба, Аҧсны иҟоу аҷыдалкаатә зинмчы змоу Урыстәыла Ацҳаражәҳәаҩ Алексеи Двинианин, атәыла Анапхгара ахаҭарнакцәа, ауаажәларра, ашколхәыҷқәа. 

Археолог, кавказҭҵааҩы Иури Воронов лаҵарамза 8, 1941 шықәса рзы Ҵабал ақыҭан диит. 1991 шықәса рзы Аҧсны Иреиҳаӡоу Асовет ахь депутатс далхын. Хәажәкырамза, 1992 шықәса инаркны, ҧхынҷкәынмза 1993 шықәса рҟынӡа ауаҩы изинқәа рыхьчареи амилаҭбжьаратәи аизыҟазаашьақәеи рзы Иреиҳаӡоу Асовет акомиссиа деиҳабын. 1993 шықәса рзы Иури Воронов Аҧсны аминистрцәа Реилазаара ахантәаҩы ихаҭыҧуаҩыс дҟаҵан, 1995 шықәсазы – аҧыза-министр ихаҭыҧуаҩыс. Иури Воронов – 500 инареиҳаны анаукатә публикациақәа дравторуп, урҭ рхыҧхьаӡараҿы иҟоуп 30 инарзынаҧшуа амонографиақәа. Иури Воронов цәыббрамза, 1995 шықәса рзы инхарҭа ҭыҧ аҿы дыршьит. Уи анышә дамадоуп Аҧснытәи аҳәынҭқарратә музеи азааигәара. Аҳҭнықалақь амҩадуқәа руак ихьӡ ахуп.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа