Ажәабжьқәа

Популярное

Аҟәа ақалақь аҿы Аиааира Амш инамаданы Апарад мҩаҧысит

562
30.09.2016 13:00
Аҟәа ақалақь аҿы Аиааира Амш инамаданы Апарад мҩаҧысит
Аҧсны атәылахьчара Аминистрра араанеишьҭагылеи Аҧсны иҟоу Урыстәылатәи Афедерациа 7-тәи арратә база аруааи Аҧсны Аиааиреи Ахьыҧшымреи Рымш иазку Апарад нарыгӡеит.

Аҟәа. Цәыббрамза 30. Аҧсныпресс. Ирена Џьопуаҧҳа. Аныҳәатә усмҩаҧгатә 500-ҩык инареиҳаны аруаа рхы аладырхәит. Аиааира Апарад идикылеит атәылахьчара аминистр Мираб Кьышьмариа.

Аҧсны Ахада, Аҧсны арбџьармчқәа ркомандаҟаҵаҩ Хада Рауль Ҳаџьымба аветеранцәеи атәылауааи Аныҳәамш рыдиныҳәалеит. “23 шықәса раҧхьа Аҧсны жәлар Аџьынџьтәылатә еибашьра аҿы Аиааира ргеит. Ари аибашьраҿы рыжәҩахыр еибыҭа иҳавагылан Нхыҵ Кавкази Аладатәи Урыстәылеи рҟынтәи ҳашьцәа, амҳаџьыраа рхылҵышьҭрақәа, уҳәа аиашара иазықәҧоз зегьы. Ҳара ҳадгьыл ахақәиҭтәра ҳалшеит”, - ҳәа иҳәеит Аҳәынҭқарра Ахада.

Рауль Ҳаџьымба аибашьра аветеранцәа аҧсадгьыл ахьчараан иаадырҧшыз агәаҕьреи афырхаҵареи рзы ҭабуп ҳәа реиҳәеит. "Ҷыдала иҭабуп ҳәа расҳәоит иҭахаз ранацәа. Урҭ афырхацәа иашақәа рааӡеит!" - ҳәа инаҵшьны иазгәеиҭеит иара.

Аҳәынҭқарра Ахада Аҧсны ажәлар аҭынчреи аҭышәынтәалареи аизҳазыҕьареи рзеиҕьаишьеит.



Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа